தவறவிடாதீர்கள்..!உடனே பதிவு செய்யுங்கள்

(எம்.எம்.சில்வெஸ்டர்)

ஆண்களுக்கான 6 ஆவது ஆசிய ஹொக்கி சம்மேளன கிண்ணத் தொடரின் முதலாவது அரையிறுதிப் போட்டியில் இலங்கை அணி ஓமான் அணியை இன்று எதிர்கொள்கிறது. 

இந்தோனேஷியாவின் ஜகார்த்தா நகரில் நடைபெறும் இப்போட்டி இலங்கை நேரப்படி  மாலை 4.00 மணிக்கு ஆரம்பமாகவுள்ளது. 

லீக்கின் ஆரம்ப சுற்றின்  நிறைவில் புள்ளிகள் அடிப்படையில் ஏ குழுவில் முதலிடம் பிடித்த இலங்கை அணி  பீ குழுவில் இரண்டாவது இடத்தைப் பெற்ற ஓமான் அணியுடன் இன்றைய தினம் மோதுகிறிது.

இலங்கை அணி லீக் சுற்றில் உஸ்பெகிஸ்தானை 5-0, தாய்லாந்தை 6-2, கஸகஸ்தானை 4-0 என்ற கோல் கணக்கில் வெற்றியீட்டியிருந்தது. 

2016 இல் ஹொங்காங்கில் நடைபெற்ற இறுதிப் போட்டியில் நிலந்த டி சில்வா தலைமையிலான இலங்கை அணி வெள்ளிப் பதக்கம் வென்றது.

1997 இல் வெண்கலப் பதக்கத்தை கைப்பற்றிய இலங்கை அணி, இன்றைய போட்டியில் சிறப்பான ஆட்டத்தை வெளிப்படுத்தும் என எதிர்பார்க்கப்படுகிறது.

சர்வதேச அனுபவம் வாய்ந்த  வீரர்கள் மற்றும் ஆற்றல் மிக்க இளம் வீரர்களைக் இலங்கை அணி கொண்டுள்ளது.