தவறவிடாதீர்கள்..!உடனே பதிவு செய்யுங்கள்

நடிகர் விஷ்ணு விஷால் நடிப்பில் தயாராகி இருக்கும் 'மோகன்தாஸ்' படத்தின் டீசர் வெளியாகி இருக்கிறது. 

இதனை 'கைதி' பட புகழ் இயக்குநர் லோகேஷ் கனகராஜ் மற்றும் நடிகர் கார்த்தி ஆகியோர் தங்களது இணைய பக்கத்தில் வெளியிட்டனர்.

'களவு' படத்தை இயக்கிய இயக்குநர் முரளி கார்த்திக் இயக்கத்தில் தயாராகி இருக்கும் புதிய திரைப்படம் 'மோகன் தாஸ்'. 

இந்தப் படத்தில் விஷ்ணு விஷால் கதையின் நாயகனாக நடிக்க, அவருக்கு ஜோடியாக நடிகை ஐஸ்வர்யா ராஜேஷ் நடித்திருக்கிறார், இவர்களுடன் இந்திரஜித் சுகுமாரன், கருணாகரன், பிரகாஷ் ராகவன் உள்ளிட்ட பலர் நடித்திருக்கிறார்கள்.

விக்னேஷ் ராஜகோபாலன் ஒளிப்பதிவு செய்திருக்கும் இந்த படத்திற்கு கே எஸ் சுந்தரமூர்த்தி இசையமைத்திருக்கிறார்.

'எஃப் ஐ ஆர்' படத்தைத் தொடர்ந்து 'மோகன்தாஸ்' படத்தையும் பிரம்மாண்டமான பொருட்செலவில் நடிகர் விஷ்ணு விஷாலின் சொந்த பட நிறுவனமான வி. வி ஸ்டூடியோஸ் தயாரித்திருக்கிறது. 

காந்தியின் பொன்மொழியை மையப்படுத்தி தயாராகியிருக்கும் இந்தப் படத்தின் ஃபர்ஸ்ட் லுக் மற்றும் செகண்ட் லுக் வெளியிடப்பட்டு, பெரும் வரவேற்பை பெற்றது. 

இந்நிலையில் இப்படத்தின் டீசர் வெளியிடப்பட்டிருக்கிறது இந்த டீசரில் விஷ்ணு விஷாலின் குரலில் கதை ஒன்று சொல்லப்படுகிறது. 

அந்தக்கதை சுவராசியமாக இருப்பதால் இப்படத்தை பற்றிய எதிர்பார்ப்பு அதிகரித்திருக்கிறது.