தவறவிடாதீர்கள்..!உடனே பதிவு செய்யுங்கள்

நைஜரில் பயணிகள் பஸ் மீது மேற்கொள்ளப்பட்ட துப்பாக்கிப் பிரயோகத்தில் 19 பேர் உயிரிழந்துள்ளனர்.

மேற்கு ஆபிரிக்க நாடுகளில் ஒன்றான புர்கினா பாசோவின் தலைநகரான ஓவாகடூகோவில் இருந்து, நைஜர் நாட்டின் தலைநகர் நியாமி நோக்கி பஸ் ஒன்று பயணித்துக் கொண்டிருந்தது.

ஃபோனோ கிராமம் அருகே இரு சக்கர வாகனங்களில் சென்ற 12 இனந்தெரியாத நபர்கள், அந்த பஸ்ஸை வழி மறித்து நிறுத்தினர்.

பின்னர் அதில் இருந்து பயணிகளை நோக்கி துப்பாக்கி சூடு நடத்தினர் இதில், 19 பயணிகள் உயிரிழந்தனர். பலர் காயமடைந்தனர். 

இதை தொடர்ந்து அந்த பஸ்ஸை குறித்த நபர்கள் தீ வைத்து எரித்ததாக போக்குவரத்து நிறுவனங்களின் சங்கம் தெரிவித்துள்ளது.

அல்கொய்தா மற்றும் ஐ.எஸ். பயங்கரவாத அமைப்புகளுடன் தொடர்புடைய  குழுவினர், புர்கினா பாசோ நாட்டில் இது போன்ற தாக்குதல்களை நடத்தி உள்ளனர் ஆனால், இந்த தாக்குதலுக்கு எவ்வித அமைப்புக்களும் பொறுப்பேற்கவில்லை.