தவறவிடாதீர்கள்..!உடனே பதிவு செய்யுங்கள்

கனடாவில் இடம்பெற்ற வீதி விபத்தில் 5 இந்திய மாணவர்கள் உயிரிழந்துள்ளதாக சர்வதேச செய்திகள் தெரிவிக்கின்றன.

கனடாவில் இடம்பெற்ற வீதி விபத்தில் இந்தியாவைச் சேர்ந்த 5 மாணவர்கள் உயிரிழந்துள்ளதுடன் மேலும் இருவர் பலத்த காயங்களுடன் வைத்தியசாலையில் அனுமதிக்கப்பட்டுள்ளனர்.

கடந்த சனிக்கிழமை அன்று அதிகாலையில் கனடாவின் டொரன்டோவிலுள்ள நெடுஞ்சாலை ஒன்றில் பயணிகள் வேனில் இந்தியாவைச் சேர்ந்த மாணவர்கள் பயணம் செய்துள்ளனர். 

அப்போது எதிரே வந்த கனரக வாகனத்துடன் வேன் மோதியதிலேயே குறித்த விபத்து சம்பவித்துள்ளதாக செய்திகள் தெரிவிக்கின்றன.

குறித்த விபத்து குறித்து பொலிஸார் வழக்கு பதிவு செய்து விசாரணை நடத்தி வருவதாக தெரிவிக்கப்பட்டுள்ளது.

இந்த சம்பவம் குறித்து தன்னுடைய டுவிட்டர் பக்கத்தில் கவலை தெரிவித்துள்ள கனடாவுக்கான இந்திய உயர்ஸ்தானிகர் அஜய் பிசாரியா உயிரிழந்தவர்களின் குடும்பத்திற்கு இரங்கல் தெரிவித்துள்ளார்.