தவறவிடாதீர்கள்..!உடனே பதிவு செய்யுங்கள்

ஐ.சி.சி.யின் அண்மைய டெஸ்ட் கிரிக்கெட்டின் சகலதுறை வீரர்களுக்கான தரவரிசைப் பட்டியலில் இந்திய அணியின் ரவீந்திர ஜடேஜா முதலிடத்தை பிடித்துள்ளார்.

மொஹாலியில் நடந்த இலங்கைக்கு எதிரான முதல் டெஸ்ட் போட்டியில் இந்தியா வெற்றியீட்டியமைக்கு ரவீந்திர ஜடேஜாவின் செயல்திறன் முக்கிய பங்காற்றியது.

இதனால் அவர் பட்டியலில் நம்பர் வன் இடத்துக்கு முன்னேறியுள்ளார்.

இலங்கையுடனான போட்டியில் ஜடேஜா ஆட்டமிழக்காமல் 175 ஓட்டங்களை எடுத்தார் மற்றும் 9 விக்கெட்டுகளை வீழ்த்தி இலங்கைக்கு எதிரான இந்தியாவின் இன்னிங்ஸ் வெற்றிக்கு பங்காற்றினார்.

இதன் மூலம் பட்டியலில் முதலிடத்திலிருந்து மேற்கிந்தியத்தீவுகள் வீரர் ஜேசன் ஹோல்டனை பின்னுக்கு தள்ளி 402 புள்ளிகளுடன் முதலிடம் பிடித்தார் ஜடேஜா.

ஜடேஜா டெஸ்ட் சகலதுறை வீரர் தரவரிசையில் முதலிடத்தை எட்டுவது இது இரண்டாவது முறையாகும். 2017 ஆகஸ்ட் மாதத்தின் ஒரு வாரத்தில் அவர் குறித்த பட்டியலில் முதலிடத்தில் இருந்துள்ளார்.

மேலும் இலங்கையுடனான டெஸ்ட் போட்டியின் பின்னர் ஜடேஜா பந்துவீச்சு தரவரிசையில் 3 இடங்கள் முன்னேறி 17 ஆவது இடத்தைப் பிடித்தார், துடுப்பாட்டத்திலும் 54 ஆவது இடத்தில் இருந்து 37 ஆவது இடத்திற்கு முன்னேறினார்.