நாளையும் 21/2 மணிநேர மின் துண்டிப்பு - இலங்கை பொதுப்பயன்பாட்டு ஆணைக்குழு

08 Mar, 2022 | 08:21 PM

(இராஜதுரை ஹஷான்)

நாடுதழுவிய ரீதியில் சுழற்சி முறையில் நாளைய தினமும் சுமார் இரண்டரை மணித்தியாலங்கள் மின்விநியோக தடையை அமுல்படுத்த இலங்கை பொதுப்பயன்பாட்டு ஆணைக்குழு மின்சார சபைக்கு அனுமதி வழங்கியுள்ளது.

நாடுபூராகவும் மின் விநியோகம் செயலிழப்பு

அதற்கமைய நாளை காலை 8 மணிமுதல் மாலை 6 மணிவரையான காலப்பகுதியில் எ.தொடக்கம் எல் வரையில் ஆங்கில எழுத்துக்களினால் அடையாளப்படுத்தப்பட்டுள்ள வலயங்களுக்குள் உள்ளடங்கும் பிரதேசங்களில் இரண்டரை மணித்தியாலங்கள் மின்விநியோகம் துண்டிக்கப்படும்.

அத்துடன் பி தொடக்கம் டப்ள்யூ வரையில் ஆங்கில எழுத்துக்களினால் அடையாளப்படுத்தப்பட்டுள்ள வலயங்களுக்குள் உள்ளடங்கும் பிரதேசங்களில் மாலை 06 மணிமுதல் இரவு 11 மணிவரையான காலப்பகுதியில் ஒரு மணித்தியாலமும்,15 நிமிடங்களும் மின்விநியோகம் துண்டிக்கப்படுமென தெரிவிக்கப்ட்டுள்ளது.