நுவரெலியா விடுதி அறையொன்றில் தங்கியிருந்த கணவன் மனைவி சடலமாக மீட்கப்பட்டுள்ளனர்.
நுவரெலியாவிற்கு சுற்றுலா சென்ற ஆண் (59) ஒருவரும் பெண் (58) ஒருவருமே இவ்வாறு உயிரிழந்துள்ளனர்.
இது தொடர்பாக தெரியவருவதாவது
நேற்றையதினம் (26) கதிர்காமத்திலிருந்து 8 பேர் கொண்ட குடும்ப உறுப்பினர்களுடன் தங்களுடைய விடுமுறையை கழிப்பதற்காக நுவரலியாவிற்கு சென்று நுவரெலியா கெலேகால பகுதியில் தனியார் விடுதி ஒன்றில் தங்கியுள்ளனர்.
இதன்போது இவர்கள் தங்களுடைய இரவு உணவுத் தேவைக்காக பயன்படுத்திய 'பாபிகியுவ்' (Barbecue) இயந்திரத்தை குளிரிலிருந்து பாதுகாத்து கொள்வதற்காக அறைக்குள் வைத்து நித்திரைக்கு சென்றுள்ளனர்.
காலையில் குறித்த இருவரும் எழுந்திருக்காததை அறிந்த மகன் மற்றும் மகள்மார்கள் இருவரும் அறையினுடைய மற்றொரு சாவியை பயன்படுத்தி கதவை திறந்து பார்க்கும் பொழுது, அவர்கள் இருவரும் உயிரிழந்திருப்பதை அவதானித்துள்ளனர்.
பின்னர் விடுதியின் முகாமையாளரின் ஊடாக நுவரெலியா பொலிஸாருக்கு தகவல் வழங்கியதையடுத்து, விசாரணைகளை மேற்கொண்ட பொலிஸார் சடலங்களை மீட்டுள்ளனர்.
இதன்போது குறித்த பாபிகியுவ் இயந்திரத்தில் இருந்து வெளியேறிய நச்சு வாயு காரணமாக இவர்கள் உயிரிழந்திருக்கலாம் என பொலிஸார் சந்தேகிக்கின்றனர்.
இவ்வாறு உயிரிழந்தவர்கள் குருணாகல், கொக்கரல்ல பகுதியில் வசிக்கும் தொழிலதிபரான அஜித் குமார ஹேரத் (வயது 59), அவரின் மனைவியான ஆயுர்வேத தாதி மாலனி நந்தா மொலகொட (வயது 58) என பொலிஸார் தெரிவித்தனர்.
இவர்களுடைய சடலங்கள் இன்றையதினம் (27) நுவரெலியா மாவட்ட வைத்தியசாலைக்கு எடுத்துச் செல்லப்பட்டு அங்கு பிரேத பரிசோதனை இடம்பெற்றதன் பின்பு உறவினர்களிடம் ஒப்படைக்கப்பட இருப்பதாக நுவரெலியா வைத்தியசாலை தகவல்கள் தெரிவிக்கின்றன.
இச்சம்பவம் தொடர்பான மேலதிக விசாரணைகளை நுவரெலியா பொலிஸார் மேற்கொண்டு வருகின்றனர்.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM