தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)

பரிஸில் உள்ள பிரெஞ்சுக் குடியரசின் வெளிநாட்டலுவல்கள் அமைச்சில் நடைபெற்ற இந்தோ - பசிபிக் ஒத்துழைப்புக்கான அமைச்சர்கள் மட்ட மன்றத்தின் பக்க அமர்வாக, வெளிநாட்டலுவல்கள் அமைச்சர் பேராசிரியர் ஜி.எல்.பீரிஸ்  நெதர்லாந்தின் வெளிநாட்டலுவல்கள் அமைச்சர் வோப்கே ஹோக்ஸ்ட்ரை சந்தித்து கலந்துரையாடியுள்ளார்.

நெதர்லாந்து வெளிநாட்டலுவல்கள் அமைச்சருடன் அமைச்சர் பீரிஸ் பால் பண்ணையிலான ஒத்துழைப்பு, தோட்டக்கலை, விவசாயம் சார்ந்த தொழில், சுற்றுலா, எராஸ்மஸ் புலமைப்பரிசில்கள் உட்பட உயர்கல்வியிலான முன்முயற்சிகள் மற்றும் முழு அளவிலான கலாச்சார ஒத்துழைப்பு, குறிப்பாக பாரம்பரிய தலங்கள் மற்றும் கலாச்சார கலைப்பொருட்களைப் பாதுகாத்தல் போன்ற தலைப்புக்களில் கலந்துரையாடினார்.

நெதர்லாந்தில் உள்ள முன்னணி பல்கலைக்கழகங்களில் பல ஆண்டுகளாக அவர் ஆற்றிய விரிவுரைகள் மற்றும்  ஒக்ஸ்போர்ட் பல்கலைக்கழகத்தில் அவரது முனைவர் பட்ட ஆய்வறிக்கையின் தலைப்பு, ரோமன்-டச்சு சட்டத்தில் பேராசிரியர் பீரிஸின் அதிகாரபூர்வ அந்தஸ்து குறித்து டச்சு வெளிநாட்டலுவல்கள் அமைச்சர்  பாராட்டினார்.

எதிர்வரும் காலங்களில் கொழும்புக்கு விஜயம் செய்யுமாறு நெதர்லாந்தின் வெளிநாட்டலுவல்கள் அமைச்சருக்கு  இலங்கையின் வெளிநாட்டலுவல்கள்  அமைச்சர் விடுத்த அழைப்பை அவர் ஏற்றுக்கொண்டார்.