தவறவிடாதீர்கள்..!உடனே பதிவு செய்யுங்கள்

(ஆர்.யசி,எம்.ஆர்.எம்.வசீம்)

உக்ரேன், ரஷ்யா மோதல் காரணமாக எமது நாட்டுக்கு ஏற்படும் பொருளாதார பாதிப்பை அரசாங்கம் எவ்வாறு எதிர்கொள்ளப்போகின்றது என எதிர்க்கட்சி தலைவர் சஜித் பிரேமதாச சபையில் கேள்வி எழுப்பினார்.

ரஷ்யா உக்ரைன் நாடுகளுக்கிடையிலான யுத்த நிலை காரணமாக, அதனால் எமது நாட்டின் பொருளாதாரத்துக்கு எற்படும் பாதிப்பை எவ்வாறு முகாமைத்துவம் செய்யப்போகின்றது. 

எமது ஏற்றுமதியில் நுற்றுக்கு 1.49 வீதம் உக்ரைனுக்கு ஏற்றுமதி செய்யப்பட்டிருக்கின்றது. அதேபோன்று ரஷ்யாவுக்கு எமது ஏற்றுமதி வீதம் நூற்றுக்கு 9.57மாகும். சில நாடுகள் ரஷ்யாவுக்கு எதிராக பொருளாதார தடையை விதிக்க முயற்சிக்கின்றன. 

இவ்வாறான நிலையில் நாடு பாரிய பொருளாதார நெருக்கடிக்குள் இருக்கும் நிலையில் மேலும் பிரச்சினைக்கு ஆளாகப்போகின்றது. 

அதனால் இதற்கு தீர்வுகாண அரசாங்கம் எடுத்திருக்கும் நடவடிக்கை என்ன என கேட்கின்றேன் என்றார்.

அத்துடன் நாடு எதிர்கொண்டுள்ள எரிபொருள் பிரச்சினைக்கு தீர்வுகாண அரசாங்கத்திடம் எந்த திட்டமும் இல்லை. மாறாக வெளிநாடுகளுக்கு சென்று நாட்டின் கெளரவத்தை பணயம் வைத்து பிச்சை எடுக்கும் கொள்கையே பின்பற்றி வருவதாகவும் அவர் தெரிவித்தார்.