தவறவிடாதீர்கள்..!உடனே பதிவு செய்யுங்கள்

(இராஜதுரை ஹஷான்)

நாட்டின் பொருளாதார நிலைமை குறித்து அரசாங்கம் பொது மக்களிடம் வெளிப்படைத்தன்மையுடன் உண்மையை குறிப்பிட வேண்டும். எப்பிரச்சினைகளும் தோற்றம் பெறாததை போன்று அரசாங்கம் செயற்படுகிறது என லங்கா சமசமாஜக்கட்சியின் தலைவரும், பாராளுமன்ற உறுப்பினருமான பேராசிரியர் திஸ்ஸ விதாரண தெரிவித்தார்.

கொழும்பில் இடம்பெற்ற ஊடகவியலாளர் சந்திப்பில் கலந்துக் கொண்டு கருத்துரைக்கையில் மேற்கண்டவாறு குறிப்பிட்டார்.

அவர் மேலும் குறிப்பிடுகையில்,

கொவிட் தாக்கத்தின் பின்னரான காலப்பகுதியில் நாட்டின் பொருளாதாரம் பாதிக்கப்பட்டுள்ளது என குறிப்பிடுவதை ஏற்றுக் கொள்ள முடியாது. பொருளாதார பாதிப்பிற்கு பல்வேறு காரணிகள் செல்வாக்கு செலுத்துகின்றன.

பொருளாதார பாதிப்பிற்கு தீர்வு காண நீண்டகால கொள்கை திட்டம் வகுக்கப்படவில்லை. குறுகிய கால திட்டங்கள் வகுக்கப்பட்டுள்ளன. 

தற்காலிக கொள்கை திட்டங்களினால் நாட்டு மக்கள் அனைவரும் பயன்பெறும் வகையில் அரச நிர்வாகத்தை முன்னெடுக்க முடியாது.

நாட்டின் பொருளாதார நிலைமை குறித்து அரசாங்கம் பொது மக்களிடம் வெளிப்படைத்தன்மையுடன் உண்மையை குறிப்பிட வேண்டும். எப்பிரச்சினைகளும் தோற்றம் பெறவில்லை என்ற நிலைப்பாட்டில் இருந்துக்கொண்டு அரசாங்கம்செயற்படுகிறது.

நாட்டு மக்கள் பொருளாதார மற்றும்சமூக பிரச்சினைகளை எதிர்க்கொண்டுள்ளார்கள். வீதி அபிவிருத்தி உள்ளிட்ட பாரிய அபிவிருத்தி பணிகளை தற்காலிகமாக இடைநிறுத்தி மக்களுக்கு நிவாரணம் வழங்கும் திட்டங்களை செயற்படுத்துமாறு அரச தலைவர்களிடம் பலமுறை தனிப்பட்ட முறையில் வலியுறுத்தியுள்ளேன். எமது கருத்துக்களுக்கு அரசாங்கத்தில் மதிப்பளிக்கப்படவில்லை என்றார்.