தவறவிடாதீர்கள்..!உடனே பதிவு செய்யுங்கள்

மத்தள சர்வதேச விமான நிலையத்தின் செயற்பாடுகளை மீண்டும் தொடர்ச்சியாக முன்னெடுத்து செல்வதற்கான நடவடிக்கைகளை இந்த வருடத்தில் மேற்கொள்வதற்கு தீர்மானித்துள்ளதாக சுற்றுலாத்துறை அமைச்சர் பிரசன்ன ரணதுங்க தெரிவித்துள்ளார்.

மேலும் மத்தளை சர்வதேச விமான நிலையத்தினூடாக சர்வதேச விமானப் பயணங்களை ஆரம்பிப்பதற்கு உலக நாடுகளின் விமான சேவை நிறுவனங்களோடு கலந்துரையாடப்பட்டுள்ளதாகவும் அமைச்சர் தெரிவித்துள்ளார்.

மத்தள சர்வதேச விமான நிலையத்தினூடாக இதுவரையில் மொத்தமாக 32,957 பேர் விமானசேவைகளை பெற்றுள்ளதாகவும் இதற்காக 722 விமான பயணங்கள் இடம்பெற்றுள்ளதாகவும் தெரிவிக்கப்பட்டுள்ளது. 

இவற்றுள் 584 சிறப்பு விமான பயணங்கள் என சுட்டிக்காட்டப்பட்டுள்ளது.

குறிப்பாக மத்தளை சர்வதேச விமான நிலையத்தின் ஊடாக இந்த வருடத்தின் ஜனவரி முதலாம் திகதி தொடக்கம் பெப்ரவரி மூன்றாம் திகதி வரையிலான காலப்பகுதியில் நாட்டிற்கு இதுவரையில் 2919 சுற்றுலாப் பயணிகள் வருகை தந்துள்ளதாக தெரிவிக்கப்பட்டுள்ளமை குறிப்பிடத்தக்கது.