மட்டக்களப்பில் 15 வயது சிறுவன் மாயம்

02 Feb, 2022 | 04:26 PM

மட்டக்களப்பில் சந்திவெளி பிரதேசத்தைச் சோந்த 15 வயதுடைய சிறுவன் ஒருவர் வீட்டில் இருந்து கடந்த 28 ஆம் திகதி முதல் காணாமல்போயுள்ளதாக இன்று புதன்கிழமை (2) குறித்த சிறுவனின் பெற்றோர் சந்திவெளி பொலிஸ் நிலையத்தில் செய்துள்ளனர்.

சந்திவெளி பத்தினி அம்மன் கோவில் வீதி ஜீவபுரத்தைச் சேர்ந்த 15 வயதுடைய அன்ரனி ஆனுராஸ் என்ற சிறுவன் கடந்த மாதம் 28 ஆம் திகதி வீட்டில் இருந்துள்ள நிலையில் காணாமல்போயுள்ளார் எனவும், கையடக்க தொலைபேசி உறைக்குள் வைத்திருந்த இரண்டாயிரம் ரூபா பணத்தையும் காணவில்லை எனவும் அவரை எங்கு தேடியும் காணவில்லை எனவும் அவரை கண்டுபிடித்துதருமாறு இன்று புதன்கிழமை (02) பெற்றோர் முறைப்பாடு செய்துள்ளதாக பொலிசார் தெரிவித்தனர்.

இந்நிலையில் குறித்த சிறுவன் பற்றிய தகவல்கள் தெரிந்தால் அருகிலுள்ள பொலிஸ் நிலையத்தில் அறிவிக்குமாறு பொதுமக்களை பொலிசார் கோரியுள்ளதுடன் இது தொடர்பான மேலதிக விசாரணைகளை சந்திவெளி பொலிசார் மேற்கொண்டு வருகின்றமை குறிப்படத்தக்கது.