பெய்ஜிங் குளிர்கால ஒலிம்பிக்கில் சீன அதிபர் ஜி ஜின்பிங்குடனான உச்சிமாநாட்டைத் தவிர இருதரப்பு சந்திப்புகளை ரஷ்ய ஜனாதிபதி விளாடிமிர் புடின் நடத்தமாட்டார் என்றும் இதனடிப்படையில் பாகிஸ்தான் பிரதமர் இம்ரான் கானுடனான சந்திப்பு நிராகரிக்கப்பட்டுள்ளதாக சர்வதேச செய்திகள் குறிப்பிடுகின்றன.
பெப்ரவரி 4 ஆம் திகதி பெய்ஜிங் ஒலிம்பிக் போட்டிகளின் தொடக்க விழாவில் கலந்துகொள்ளும் மற்ற தலைவர்களுடன் இருதரப்பு சந்திப்புகளை நடத்த ரஷ்ய ஜனாதிபதி விளாடிமிர் புடின் திட்டமிடவில்லை என்று ரஷ்ய அரச செய்தித் தொடர்பாளர் டிமிட்ரி பெஸ்கோவ் தெரிவித்துள்ளார்.
விழாவின் அமைப்பாளர்கள் மற்றும் அதிகாரிகள் உட்பட விளையாட்டு வீரர்கள் மற்றும் விருந்தினர்கள் மீது சுகாதார கட்டுப்பாடுகளை விதிக்க வேண்டும் என்று நாங்கள் பலமுறை கூறியுள்ளோம் .
எனவே பெய்ஜிங் பயணத்திற்கான ரஷ்ய ஜனாதிபதியின் அட்டவணையில் வெளிப்படையான காரணங்களுக்காக இருதரப்பு சந்திப்புகள் எதுவும் இல்லை எனவும் அவர் குறிப்பிட்டுள்ளார்.
விளாடிமீர் புடின் பிப்ரவரி 4 ஆம் தேதி சீனாவுக்கு விஜயம் செய்யவுள்ளார்.
சீனாவில் பாகிஸ்தான் பிரதமருடனான சந்திப்பை ரஷ்ய ஜனாதிபதி தவிர்க்கும் முடிவு இந்தியாவில் வரவேற்கப்படும். ஏனெனில் ரஷ்ய அதிபர் இந்திய உணர்திறனைக் கருத்தில் கொண்டு இந்த தீர்மானம் எடுக்கப்பட்டிருக்கலாம் என சுட்டிக்காட்டப்பட்டுள்ளது.
பாகிஸ்தானின் நெருங்கிய நண்பரான சீனாவில் புடின்-இம்ரான் சந்திப்பு குறித்து பாகிஸ்தானில் தீவிர ஊக பிரசாரங்கள் முன்னெடுக்கப்பட்டு வருகின்றன.
குறிப்பாக பாகிஸ்தான் பிரதமர் இம்ரான் சமீபத்தில் ஜனாதிபதி விளாடிமீர் புடினை தொலைபேசியில் தொடர்புக் கொண்டு இருதரப்பு உறவுகளை வலுப்படுத்தும் வகையில் கலந்துரையாடினார்.
மறுப்புறம் ஆப்கானிஸ்தான் மற்றும் தலிபான்களின் சூழலில் பாகிஸ்தானுடன் ரஷ்யாவின் ஈடுபாடு குறித்து பல அச்சங்களும் உள்ளன.
இருப்பினும், ரஷ்யா-பாகிஸ்தான் உறவுகள் இயற்கையிலும் நோக்கத்திலும் வரையறுக்கப்பட்டவை. காஷ்மீர் விவகாரத்தில் இந்தியாவை ரஷ்யா அனைத்து தளங்களிலும் தொடர்ந்து ஆதரித்து வருகின்றமை குறிப்பிடத்தக்கது.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM