இலங்கை மின்சார சபையின் தலைவர் பதவி விலகல்

(ஜெ.அனோஜன்)

இலங்கை மின்சார சபையின் (CEB) தலைவராக அண்மையில் நியமிக்கப்பட்ட எம்.எம்.சி.பேர்டினண்டோ, தனது பதவியிலிருந்தும் இலங்கை மின்சார சபையின் உறுப்பினர் பதவியிலிருந்தும் இராஜினாமா செய்வதாக அறிவித்துள்ளார்.

CEB | Business With CEB

2022 பெப்ரவரி முதலாம் திகதி தொடக்கம் அமுலுக்கு வரும் வகையில் அவர் பதவி விலகியுள்ளதாக மின்சக்தி அமைச்சின் செயலாளருக்கு அவர் அனுப்பி வைத்துள்ள கடிதத்தில் சுட்டிக்காட்டியுள்ளார்.

இராஜினாமா கடிதத்தில் தனிப்பட்ட காரணங்களுக்காக பதவி விலக தீர்மானித்துள்ளதாக பெர்டினாண்டோ மேலும் தெரிவித்துள்ளார்.

இதேவ‍ேளை இலங்கை மின்சார சபையின் பொது முகாமையாளராக கலாநிதி ரொஹந்த அபேசேகர நியமிக்கப்பட்டுள்ளார்.

இலங்கை மின்சார சபையின் பொறியியலாளர்கள் சங்கத்தினால் பல வாரங்களாக மேற்கொள்ளப்பட்ட போராட்டங்களை அடுத்து இலங்கை மின்சார சபையின் பொது முகாமையாளர் சுசந்த பெரேரா பணி நீக்கம் செய்யப்பட்டார்.

இந்த சூழலில், இலங்கை மின்சார சபையின் உதவிப் பொது முகாமையாளரான சிரேஷ்ட மின் பொறியியலாளர் கலாநிதி ரொஹந்த அபேசேகர இலங்கை மின்சார சபையின் பொது முகாமையாளராக நியமிக்கப்பட்டமையும் குறிப்பிடத்தக்கது.