(என்.வீ.ஏ.)
கோலாலம்பூரில் செவ்வாய்க்கிழமை ஆரம்பமான பொதுநலவாய விளையாட்டு விழா மகளிர் சர்வதேச இருபது 20 கிரிக்கெட் தகுதிகாண் சுற்றில் இலங்கை தனது ஆரம்பப் போட்டியில் ஸ்கொட்லாந்தை 109 ஓட்டங்களால் வெற்றிகொண்டது.
அணித் தலைவி சமரி அத்தபத்து குவித்த அதிரடி அரைச்சதம் இலங்கைக்கு இலகுவான வெற்றியை ஈட்டிக்கொடுத்தது.
கின்ராரா அக்கடமி ஓவல் மைதானத்தில் நடைபெற்ற இப் போட்டியில் முதலில் துடுப்பெடுத்தாடத் தீர்மானித்த இலங்கை 20 ஓவர்களில் 4 விக்கெட்களை மாத்திரம் இழந்து 182 ஓட்டங்களைக் குவித்தது.
சமரி அத்தப்பத்து அபாரமாகத் துடுப்பெடுத்தாடி 45 பந்துகளை எதிர்கொண்டு 13 பவுண்ட்றிகள், 2 சிக்ஸ்களுடன் 86 ஓடடங்களைக் குவித்தார்.
மொத்த எண்ணிக்கை 34 ஓட்டங்களாக இருந்தபோது இளம் வீராங்கனை விஷ்மி குணரட்ன (16 வயது) 8 ஓட்டங்களுடன் ஆட்டமிழந்த பின்னர் சமரி அத்தப்பத்துவும் 17 ஓட்டங்களைப் பெற்ற ஹசினி பெரேராவும் 2ஆவது விக்கெட்டில் 90 ஓட்டங்களைப் பகிர்ந்து இலங்கை அணியைப் பலப்படுத்தினர்.
மொத்த எண்ணிக்கை 124 ஓட்டங்களாக இருந்தபோது இவர்கள் இருவரும் அடுத்தடுத்து ஆட்டமிழந்தனர்.
தொடர்ந்து ஹர்ஷிதா மாதவி (23), நிலக்ஷிகா சில்வா (23 ஆ.இ.), அமா காஞ்சனா (11 ஆ.இ.) ஆகியோர் தங்களாலான அதிகப்பட்ச பங்களிப்பை துடுப்பாட்டத்தில் வழங்கினர்.
பதிலுக்கு துடுப்பெடுத்தாடிய ஸ்கொட்லாந்து 12.1 ஓவர்களில் சகல விக்கெட்களையும் இழந்து 73 ஓட்டங்களை மாத்திரமே பெற்றது.
ஆரம்ப வீராங்கனை எலென் வொட்சன் திறமையாகத் துடுப்பெடுத்தாடி 30 ஓட்டங்களைப் பெற்றிருந்தபோது காயம் காரணமாக ஓய்வு பெற நேரிட்டது. மற்றைய ஆரம்ப வீராங்கனை சாரா ப்ரைஸ் 11 ஓட்டங்களைப் பெற்றார்.
இவர்களை விட வேறு எவரும் இரட்டை இலக்க எண்ணிக்கைகளைப் பெறவில்லை.
உபாதை காரணமாக லோர்னா ஜெக் துடுப்பெடுத்தாடவில்லை.
இலங்கை பந்துவீச்சில் சச்சினி நிசன்சலா 10 ஓட்டங்களுக்கு 2 விக்கெட்களையும் அமா காஞ்சனா 20 ஓட்டங்களுக்கு 2 விக்கெட்களையும் உதேஷிக்கா ப்ரபோதனி 25 ஓட்டங்களுக்கு 2 விக்கெட்களையும் கைப்பற்றினர்.
ஆட்டநாயகியாக சமரி அத்தப்பத்து தெரிவானார்.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM