ஜல்லிக்கட்டுக்கு தமிழகத்தில் அனுமதி

தமிழகத்தில் பொங்கல் பண்டிகையை முன்னிட்டு ஜல்லிக்கட்டு நிகழ்வினை நடத்துவதற்கான அனுமதியினை தமிழக அரசு வழங்கியுள்ளதுடன், அதற்கான விரிவான வழிகாட்டுதல்களையும் வெளியிட்டுள்ளது.

கொவிட்-19 பரவல் அதிகரித்துள்ள நிலையில், இவ்வாண்டு ஜல்லிக்கட்டு நிகழ்வு நடைபெறுமா என்ற சந்தேகம் எழுந்த நிலையில் இந்த அறிவித்தல் வழங்கப்பட்டுள்ளது.

ஜல்லிக்கட்டுக்கான தமிழக அரசின் கொவிட்-19 சுகாதார வழிகாட்டல்கள்:

300 மாடுபிடி வீரர்களை கொண்டு போட்டி நடத்தலாம் எனவும் 2 டோஸ் தடுப்பூசி செலுத்திய வீரர்கள் மட்டும் போட்டியில் பங்கேற்க வேண்டும்.
கொரோனா தடுப்பு நடவடிக்கையாக ஜல்லிக்கட்டு போட்டிகளில் அதிகபட்சமாக 150 பார்வையாளர்களுக்கு மட்டுமே அனுமதி அளிக்கப்படுகிறது.
நிகழ்ச்சிக்கு 3 நாட்களுக்கு முன் மாவட்ட நிர்வாகத்திடம் மாடுபிடி வீரர்கள் அடையாள அட்டை பெற வேண்டும்.
போட்டி நடைபெறுவதற்கு 2 நாட்களுக்கு முன்பு பரிசோதனை மேற்கொண்டு பார்வையாளர்கள் எதிர்மறை சான்றிதழ் பெற்று இருக்க வேண்டும்.
ஜல்லிக்கட்டு போட்டியை காண வரும் பார்வையாளர்கள் 2 டோஸ் கொரோனா தடுப்பூசி போட்டிருப்பது கட்டாயம்.
ஜல்லிக்கட்டு, மஞ்சுவிரட்டு, வடமாடு நிகழ்ச்சிகளில் 300 மாடுபிடி வீரர்கள் பங்கேற்க அனுமதி அளிக்கப்படுகிறது.
காளையை பதிவு செய்யும் போது உரிமையாளருக்கும் பதிவு கட்டாயம், அடையாள அட்டை இல்லை என்றால் அனுமதி இல்லை
மாடுபிடி வீரர்களுக்கு 2 டோஸ் தடுப்பூசி சான்று கோவிட் எதிர்மறை சான்று கட்டாயம்.
கொரோனா தடுப்பு நடவடிக்கையாக ஒரு காளையுடன் உரிமையாளர், ஒரு உதவியாளர் மட்டுமே அனுமதிக்கப்படுவர்.
அனுமதிக்கப்பட்ட இருக்கையில் 50% என்ற எண்ணிக்கையில் பார்வையாளர்கள் அனுமதிக்கப்படுவர்.