தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)

உள்நாட்டில் தயாரிக்கப்படும் மதுபானத்திற்கு திங்கட்கிழமை முதல் புதிய பாதுகாப்பு முத்திரை வழங்கப்படவுள்ளதாக மதுவரி திணைக்களம் அறிவித்துள்ளது. 

இந்த புதிய முத்திரையை உள்ளடக்கிய ஸ்டிக்கர் மதுபான போத்தல்கள் மற்றும் கொள்கலன்களில் ஒட்டப்படும் என்றும் மதுவரி திணைக்களம் தெரிவித்துள்ளது.

புதிய முத்திரைகள் ஒட்டப்பட்ட மதுபான போத்தல்கள் சந்தைகளுக்கு விநியோகிக்கப்பட்டதன் பின்னர் , பழைய மதுபான போத்தல்களை விற்பனை செய்து நிறைவு செய்வதற்கு எதிர்வரும் ஏப்ரல் முதலாம் திகதி வரை கால அவகாசம் வழங்கப்பட்டுள்ளதாக மதுவரி திணைக்களத்தின் ஆணையாளர் நாயகம் கபில குமாரசிங்க தெரிவித்துள்ளார்.

அதன் பின்னர் விற்பனை செய்யப்படும் சகல மதுபான போத்தல்களிலும் புதிய முத்திரைகள் காணப்படுவது கட்டாயமாக்கப்பட்டுள்ளது. 

சட்ட விரோதமாக தயாரிக்கப்படும் மதுபானங்கள் சந்தைக்கு விநியோகிக்கப்படுவதை தடுப்பதற்கும் , சட்ட விரோதமாக இறக்குமதி செய்யப்படும் மதுபானம் சந்தைகளுக்கு விநியோகிப்படுவதை தவிர்ப்பதற்கும் இந்த நடவடிக்கை முன்னெடுக்கப்பட்டுள்ளதாக கபில குமாரசிங்க மேலும் தெரிவித்துள்ளார்.