தவறவிடாதீர்கள்..!உடனே பதிவு செய்யுங்கள்

தெற்காசியாவில் அதிக எடை குறைந்த குழந்தைகள் பட்டியலில் இந்தியாவுடன் இலங்கையும் உள்ளது என ஐக்கிய நாடுகள் சபையின் உணவு மற்றும் விவசாய அமைப்பு தெரிவித்துள்ளது.

119 நாடுகளில் இந்தியா 103வது இடத்திலும், இலங்கை 67வது இடத்தில் உள்ளமை குறிப்பிடத்தக்கது.

உலக சுகாதார அமைப்பு நிர்ணயித்த அளவுகோல்களின் அடிப்படையில் இலங்கை மற்றும் இந்தியா ஆகிய நாடுகளில் 15 சதவீதமான குழந்தைகள் குறைந்த எடையுடன் காணப்படுவதாக தெரிவிக்கப்படுகிறது.

இலங்கை மற்றும் இந்தியாவுடன் முறையே இந்தோனேசியா, நேபாளம் மற்றும் பப்புவா நியூ கினியா ஆகிய நாடுகளும் இப்பட்டியலில் இணைந்துள்ளன.

ஆசியா மற்றும் பசிபிக் நாடுகளில் ஐந்து வயதுக்குட்பட்ட அதிக எண்ணிக்கையிலான குழந்தைகள் பாதிக்கப்பட்டுள்ளன. மேலும் 2020 ஆம் ஆண்டில், 9.9 சதவீதம் பேர் பாதிக்கப்பட்டுள்ளதாகக் கூறப்படுகிறது.

குறைந்த எடையுடன் பிறத்தல், குறைந்தளவு தாய்ப்பால், குறைந்த தாய்வழி கல்வி நிலை, தந்தை புகைபிடித்தல், மது துஷ்பிரயோகம், மோசமான ஊட்டச்சத்து  மற்றும் வறுமை ஆகியவை இலங்கையில் குழந்தைகளை பாதிக்கப்படுவதற்கான காரணங்கள் என உணவு மற்றும் விவசாய அமைப்பு குறிப்பிடுகிறது.