தவறவிடாதீர்கள்..!உடனே பதிவு செய்யுங்கள்

திரைப்பட பின்னணி பாடகியும், நடிகையுமான ஸ்வாகதா கிருஷ்ணன் நடிப்பில் தயாராகி வரும் 'இன்ட்ரா' படத்தின் ஃபர்ஸ்ட் லுக் வெளியாகியிருக்கிறது.

அறிமுக இயக்குநர் லியோ விஜயன் இயக்கத்தில் தயாராகி இருக்கும் முதல் திரைப்படம் 'இன்ட்ரா'. நாளாந்த வாழ்வியலுக்கான சிறிய திருட்டுகளில் ஈடுபடும் இரண்டு கதையின் நாயகிகளை மையப்படுத்தி உருவாகியிருக்கும் இந்த திரைப்படத்தில், நிஜவாழ்க்கையில் சகோதரிகளான நடிகை மாயா கிருஷ்ணன் மற்றும் நடிகை ஸ்வாகதா கிருஷ்ணன் ஆகியோர் நடிக்கிறார்கள். 

இவர்களுடன் 'வெற்றிவேல்' பட புகழ் நடிகர் ஆனந்த் நாக் முக்கிய வேடத்தில் நடித்திருக்கிறார். ரி. ஆர் விஷ்ணு ஒளிப்பதிவு செய்யும் இந்தப் படத்திற்கு ஜெசின் ஜோர்ஜ் இசையமைக்கிறார்.

படத்தை பற்றி இயக்குநர் பேசுகையில்,''

 திருட்டை மையப்படுத்தி உருவாகியிருக்கும் 'இன்ட்ரா' திரைக்கதையில், ஒருவர் நாயகியாகவும் மற்றொருவர்  எதிர்மறை நாயகியாகவும் நடிக்கிறார்கள். முதன்முறையாக சகோதரிகள் இருவர், ஒருவர் நாயகியாகவும் மற்றொருவர் வில்லியாகவும் நடிக்கிறார்கள். ஜனவரி மாதம் முதல் வாரத்தில் பொள்ளாச்சியில் முதற்கட்ட படப்பிடிப்பு தொடங்குகிறது.'' என்றார்.

நாயகி - வில்லி என்ற வேவத்தில் தமிழ்த் திரையுலகில் முதன் முதலாக சகோதரிகள் நடிப்பதால் இப்படத்திற்கு எதிர்பார்ப்பு உருவாகி இருக்கிறது. 

ஃபர்ஸ்ட் லுக்கில் இறுவட்டு, பாம்பு, கணினி விளையாட்டு கருவி, கைபேசி, சுத்தியல், துப்பாக்கி என பல பொருட்களுடன் நேர் எதிராக இரண்டு பெண்களின் தோற்றம் இடம் பெற்றிருப்பதால் ஆச்சரியத்துடன் கூடிய வியப்பையும் எதிர்பார்ப்பையும் உண்டாக்கியிருக்கிறது.

சகோதரி நடிகைகளுள் மாயா கிருஷ்ணன், 'வானவில் வாழ்க்கை', 'தொடரி', 'மகளிர் மட்டும்', 'வேலைக்காரன்', '2 பொயிண்ட் ஓ' உள்ளிட்ட பல படங்களில் நடித்திருக்கிறார் என்பதும், மற்றொருவரான நடிகை ஸ்வாகதா கிருஷ்ணன்,' காயல்' என்ற படத்தின் மூலம் நடிகையாக அறிமுகமாகி இருக்கிறார் என்பதும் குறிப்பிடத்தக்கது.