(நா.தனுஜா)
வெளிநாடுகளில் பணிபுரிவோரால் நாட்டிற்குப் பணம் அனுப்பப்படுவதை ஊக்குவிக்கும் வகையில் நடைமுறைப்படுத்தப்பட்ட 10 ரூபா ஊக்குவிப்புத்தொகை வழங்கும் செயற்திட்டத்தை அடுத்த ஆண்டு ஜனவரி 31 ஆம் திகதிவரை நீடித்திருக்கும் இலங்கை மத்திய வங்கி, அவ்வாறு பணம் அனுப்பும்போது ஏற்படக்கூடிய பரிமாற்றல் செலவில் வரையறுக்கப்பட்ட தொகையைத் தாமே ஏற்றுக்கொள்வதற்கும் தீர்மானித்திருக்கின்றது.
மத்திய வங்கியின் நாணயச்சபையினால் 'உள்முக தொழிலாளர் பணவனுப்பல்கள் மீதான ஊக்குவிப்புத்திட்டத்தின்' கீழ் வெளிநாடுகளில் பணிபுரியும் தொழிலாளர்களால் அனுப்பப்படுகின்ற பணம் இலங்கை ரூபாவாக மாற்றப்படும்போது அதற்கான ஊக்குவிப்புத்தொகையாக ஏற்கனவே ஒரு அமெரிக்க டொலருக்கு 2 ரூபா வீதம் வழங்கப்பட்டுவந்தது.
இவ்வாறு ஏற்கனவே வழங்கப்பட்டுவந்த 2 ரூபாவிற்கு மேலதிகமாக கடந்த முதலாம் திகதியிலிருந்து எதிர்வரும் 31 ஆம் திகதி வரையான காலப்பகுதியில் உரிமம்பெற்ற வங்கிகள் மற்றும் சர்வதேச ரீதியாக ஏற்றுக்கொள்ளப்பட்ட ஏனைய வழிமுறைகள் ஊடாக வெளிநாடுகளில் பணிபுரியும் தொழிலாளர்கள் அனுப்புகின்ற பணம் இலங்கை ரூபாவாக மாற்றப்படும்போது ஒரு அமெரிக்க டொலருக்கான ஊக்குவிப்புத்தொகையாக 8 ரூபாவை வழங்குவதற்கு நாணயச்சபையினால் தீர்மானிக்கப்பட்டது.
அதன்படி இதுவரையான காலத்தில் (டிசம்பர் முதலாம் திகதியிலிருந்து) வெளிநாடுகளில் பணிபுரிவோரால் அனுப்பப்பட்ட பணம் இலங்கை ரூபாவாக மாற்றப்பட்டபோது ஏற்கனவே வழங்கப்பட்டுவரும் 2 ரூபாவிற்கு மேலதிகமாக, புதிதாக வழங்குவதற்குத் தீர்மானிக்கப்பட்ட 8 ரூபாவையும் சேர்ந்து அமெரிக்க டொலர் ஒன்றுக்கான ஊக்குவிப்புத்தொகையாக 10 ரூபாவை மத்திய வங்கி கொடுப்பனவு செய்துவந்தது.
இவ்வாறு மேலதிக ஊக்குவிப்புத்தொகையை வழங்குவதன் மூலம் வெளிநாடுகளில் பணிபுரிபவர்கள் எமது நாட்டிற்கு அனுப்பும் பணத்தின் அளவை அதிகரிக்க முடிவதுடன் அதனூடாக உள்நாட்டு மற்றும் வெளிநாட்டு செலாவணிச்சந்தையின் திரவத்தன்மையினை உயர்த்தமுடியும் என்று எதிர்பார்ப்பதாக மத்திய வங்கி தெரிவித்திருந்தது.
இந்நிலையில் மேற்படி ஊக்குவிப்புத்தொகையை வழங்குவதற்கான அறிவிப்பைத் தொடர்ந்து வெளிநாடுகளில் பணிபுரிவோரின் பணவனுப்பல்களில் சிறந்த முன்னேற்றம் தென்படுவதனால், அதனை அடுத்த ஆண்டு ஜனவரி மாதம் 31 ஆம் திகதி வரை நீடிப்பதற்கு மத்திய வங்கி தீர்மானித்துள்ளது.
அதுமாத்திரமன்றி வெளிநாடுகளில் பணிபுரிபவர்கள் பணப்பரிமாற்று நிலையங்கள் அல்லது அங்கீகரிக்கப்பட்ட வங்கிகள் ஊடாக இலங்கைக்குப் பணம் அனுப்பும்போது, அவர்களுக்கு ஏற்படுகின்ற பரிமாற்றல் செலவில் வரையறுக்கப்பட்ட தொகையைத் தாமே ஏற்றுக்கொள்வதற்கும் மத்திய வங்கி தீர்மானித்திருப்பதுடன் இதுபற்றி மேலதிக விபரங்கள் விரைவில் அறிவிக்கப்படும் என்றும் தெரிவித்துள்ளது.
அதன்மூலம் வெளிநாடுகளில் பணிபுரியும் பெரும் எண்ணிக்கையான இலங்கையர்கள் எவ்வித செலவுமின்றியோ அல்லது குறைந்த செலவிலோ நாட்டிற்குப் பணத்தை அனுப்பமுடியும் என்பது குறிப்பிடத்தக்கது.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM