தவறவிடாதீர்கள்..!உடனே பதிவு செய்யுங்கள்

அ . அச்சுதன்


அறிஞர் சித்திலெப்பை  எழுதிய அசன்பேயுடைய கதை எனும் நாவலின் பகுப்பாய்வு நூலாக பிரபல எழுத்தாளர் அ.வா.முஹ்ஸீன் (ஓய்வு நிலை ஆசிரியர்) எழுதிய 'அசன்பேயுடைய கதை - ஓர் மீள் வாசிப்பு' வரலாற்று சிறப்புமிகு நூல் அறிமுக நிகழ்வு மூதூர் பிரதேச சபை கேட்போர் மண்டபத்தில்  இடம்பெற்றது.


இந்நிகழ்வில் பிரதம அதிதியாக முன்னாள் கிழக்கு மாகாண கூட்டுறவு ஆணையாளரும்,மூதூர் அனர்த்த உதவி  அமைப்பின் தலைவரும், எழுத்தாளருமான எம்.சீ.எம்.ஷெரீப் கலந்து கொண்டார்.

குறித்த நிகழ்விற்கு தலைமையையேற்று தலைமையுரையை ஓய்வு நிலை அதிபர் கவிஞர். மீரா முஹைதீன் வழங்கினார். நூல் பற்றிய அறிமுகத்தை இளம் எழுத்தாளர் ஜே.எம்.இஹ்ஷான் வழங்கினார்.

இறுதியாக நிகழ்வு ஏற்புரையை நூலின் ஆசிரியர் அ.வா.முஹ்ஸீன்  நிகழ்த்தியிருந்தார்.


இந் நிகழ்வில் மூதூரின் மூத்த எழுத்தாளர்கள், கவிஞர்கள், இலக்கிய ஆர்வலர்கள், சமூக பிரதிநிதிகள் மற்றும் நூலாசிரியரின் உறவினர்கள் என பலரும் கலந்து கொண்டதோடு சிறப்பு பிரதிகளையும் பெற்றுக்கொண்டனர்.