தவறவிடாதீர்கள்..!உடனே பதிவு செய்யுங்கள்

கொழும்பு மாநகர சபைக்குட்பட்ட பகுதியில் உள்ள 30 வயதுக்கு மேற்பட்டவர்களுக்கு பைசர் தடுப்பூசியின் பூஸ்டர் டோஸ் செலுத்தும் பணிகள் இன்று முதல் ஆரம்பிக்கப்படவுள்ளது.

அதன்படி ஏற்கனவே கொழும்பு நகர எல்லைக்குட்பட்டவர்களுக்கு தடுப்பூசி தொடர்பில் குறுஞ்செய்தி மூலம் அறிவிக்கப்பட்டது போன்று, தகுதி வாய்ந்த அனைவருக்கும் குறுஞ்செய்தி மூலம் திகதி, நேரம் ஆகிய தகவல்கள் அனுப்பி வைக்கப்படுமென கொழும்பு மாநகர சபை பிராந்திய தொற்றுநோயியல் நிபுணர் தினு குருகே தெரிவித்துள்ளார்.

எந்தவொரு கொவிட் தடுப்பூசியினதும் (Astra Zeneca, Sinopharm, Sputnik, Moderna, Pfizer) 2 ஆவது டோஸ் தடுப்பூசியை பெற்று 3 மாதங்களை நிறைவு செய்தவர்களுக்கு பூஸ்டர் தடுப்பூசி செலுத்தப்படும்.

கடந்த நவம்பர் 17 ஆம் திகதி முதல் 60 வயதுக்கு மேற்பட்டவர்களுக்கு பூஸ்டர் தடுப்பூசியாக பைசர் தடுப்பூசி வழங்கும் வேலைத்திட்டம் நாடு முழுவதும் ஆரம்பிக்கப்பட்டு முன்னெடுக்கப்பட்டு வருகின்றமையும் குறிப்பிடத்தக்கது.