தவறவிடாதீர்கள்..!உடனே பதிவு செய்யுங்கள்

தற்போதைய அமைச்சரவை மற்றும் இராஜாங்க அமைச்சர்களின் எண்ணிக்கை குறித்த அறிக்கையை இரண்டு வாரங்களுக்குள் சமர்ப்பிக்குமாறு சட்டமா அதிபருக்கு உயர் நீதிமன்றம் இன்று உத்தரவிட்டுள்ளது.

தற்போதைய அமைச்சரவையின் நியமனம் அரசியலமைப்பின் விதிகளை மீறுவதாகக் தெரிவிக்கப்பட்டு, பொறியலாளர் கபில ரேணுகாவினால் அடிப்படை உரிமைகள் மனுவொன்று தாக்கல் செய்யப்பட்டது.

இந் நிலையில் அம் மனு மீதான பரிசீலனை இன்று உயர் நீதிமன்ற நீதியரசர்கள் விஜித மலல்கொட, யசந்த கோதாகொட மற்றும் மஹிந்த சமயவர்தன ஆகியோர் அடங்கிய மூவரடங்கிய குழாம் முன்னிலையில் இன்று காலை விசாரணைக்கு எடுத்துக்கொள்ளப்பட்டது.

இதன்போதே மேற்கண்ட உத்தரவு சட்டமா அதிபருக்கு பிறப்பிக்கப்பட்டது.

அதேநேரம் இம் மனு மீதான பரிசீலனையினை மீண்டும் 2022 ஜனவரி 27 ஆம் எடுத்துக் கொள்ளவும் தீர்மானிக்கப்பட்டது.