தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)

நாட்டில் இதுவரையில் சுமார் 22 000 விசேட தேவையுடைய சிறுவர்களுக்கு முதற்கட்டமாக தடுப்பூசி வழங்கப்பட்டுள்ளது. அதே வேளை 16 - 19 வயதுக்கிடைக்கப்பட்டவர்களில் ஒரு மில்லியனுக்கும் அதிகமானோருக்கு தடுப்பூசி வழங்கப்பட்டுள்ளதாக கொழும்பு - சீமாட்டி சிறுவர் வைத்தியசாலையின் விசேட வைத்திய நிபுணர் பேராசிரியர் ஷமன் ரஜீந்திரஜித் தெரிவித்தார்.

சுகாதார மேம்பாட்டு பணியகத்தில் நேற்று புதன்கிழமை இடம்பெற்ற ஊடகவியலாளர் சந்திப்பில் இதனைத் தெரிவித்த அவர் மேலும் குறிப்பிடுகையில் ,

விசேட தேவையுடைய சிறுவர்களில் 22 000 பேருக்கு முதற்கட்ட தடுப்பூசி வழங்கப்பட்டுள்ளது. இவர்களுக்கான இரண்டாம் கட்ட தடுப்பூசி வழங்கலும் ஆரம்பிக்கப்பட்டுள்ளது. இதுவரை தடுப்பூசி வழங்கப்பட்டவர்களில் எவருக்கும் எவ்வித பக்க விளைவுகளும் பதிவாகவில்லை.

இதே போன்று 16 - 19 வயதுக்கு இடைப்பட்டவர்களில் ஒரு மில்லியனுக்கும் அதிகமானோருக்கு தடுப்பூசி வழங்கப்பட்டுள்ளது. இந்த வயதுப் பிரிவினரில் எமது இலக்கு 1.3 மில்லியன் பேருக்கு தடுப்பூசி வழங்குவதாகவும் அந்த இலக்கை விரைவில் அடைய முடியும்.

மேலும் 12 - 15 வயதுக்கு இடைப்பட்ட மாணவர்ளுக்கு தடுப்பூசி வழங்கல் தொடர்பில் ஆய்வுகள் முன்னெடுக்கப்பட்டு அதனை அறிக்கை தயாரிக்கும் பணிகள் இறுதி கட்டத்திலுள்ளன. 

குறித்த அறிக்கை கிடைக்கப் பெற்றதன் பின்னர் இந்த வயது பிரிவினருக்கு தடுப்பூசி வழங்கல் தொடர்பில் அவதானம் செலுத்தப்படும் என்றார்.