தவறவிடாதீர்கள்..!உடனே பதிவு செய்யுங்கள்

(இராஜதுரை ஹஷான்)

பெரும்போக விவசாயத்தில் சிறந்த விளைச்சல் கிடைக்காவிடின் அதற்கான பொறுப்பை எதிர்க்கட்சி தலைவர் சஜித் பிரேமதாஸவும், அவரது தரப்பினரும்  ஏற்க வேண்டும். குறுகிய அரசியல் நோக்கத்திற்காக இவர்கள் சேதன பசளை தொடர்பில் மக்கள் மத்தியில் தவறான நிலைப்பாட்டை தோற்றுவித்துள்ளார்கள் என காணி விவகாரத்துறை அமைச்சர் எஸ்.எம்.சந்திரசேன தெரிவித்தார்.

அவர் மேலும் குறிப்பிடுகையில்,

சேதன பசளை திட்டம் சிறந்ததாக காணப்பட்டாலும் அது சவால்மிக்கது. இரசாயன உர பாவனையில் இருந்து விலகி மக்களுக்க விசமற்ற பாதுகாப்பான உணவை வழங்க வேண்டும் என்பதற்காக சுபீட்சமான எதிர்கால கொள்கை திட்டத்தில் குறிப்பிடப்பட்டுள்ளது.

சுபீட்சமான எதிர்கால கொள்கை திட்டத்தை மக்கள் முழுமையாக ஏற்றுக் கொண்டார்கள். 2019ஆம் ஆண்டு ஜனாதிபதி தேர்தல் காலத்தில் அறிமுகப்படுத்தப்பட்ட சுபீட்சமான எதிர்கால கொள்கைத்திட்டம் 2020 ஆம் ஆண்டு இடம் பெற்ற பொதுத்தேர்தலிலும் சுபீட்சமான எதிர்கால திட்டத்தின் உள்ளடக்கத்தை நாட்டு மக்கள் முழுமையாக ஏற்றுக் கொண்டார்கள்.

சேதன பசளை திட்டம் புதிதாக அறிமுகப்படுத்தப்பட்டதல்ல தற்போது சேதன பசளை திட்டத்திற்கு எதிராக திட்டமிடப்பட்ட வகையில் எதிர்ப்பலைகள் தோற்றம் பெற்றுள்ளன. 

சேதன பசளை திட்டத்தை பயன்படுத்தி ஒரு பகுதிகளில் உள்ள விவசாயிகள் பயனடைந்துள்ளார்கள். பசளையை பாவிக்காமல் பிறிதொரு தரப்பினர் போராட்டத்தில் ஈடுப்படுகிறார்கள்.

பெரும்போக பயிர்ச்செய்கையில் சிறந்த விளைச்சல் கிடைக்காவிடின் அதற்கு எதிர்க்கட்சி தலைவர் சஜித் பிரேமதாஸவும், அவரது தரப்பினரும் பொறுப்பு கூற வேண்டும். குறுகிய அரசியல் நோக்கத்திற்காக சேதன பசளை திட்டம் தொடர்பில் மக்கள் மத்தியில் தவறான நிலைப்பாட்டை சித்தரித்து அதனூடாக அரசியல் பிரசாரம் செய்துக் கொள்கிறார்கள்.

சேதன பசளையை பயன்படுத்திய விவசாயத்தில் சிறந்த விளைச்சல் கிடைக்கப் பெறாவிடின் அதற்கான நட்டஈடு தருவதாக வழங்குவதாக அரசாங்கம் விவசாயிகளிடம் குறிப்பிட்டுள்ளது.

ஆனால் விவசாயிகள் என குறிப்பிட்டுக் கொள்ளும் ஒரு தரப்பினர் தொடர்ந்து நியாயமற்ற வகையில் போராட்டத்தில் ஈடுப்பட்டுள்ளார்கள்.

எக்காரணிகளுக்காகவும் இரசாயன உரம் இறக்குமதி செய்யப்பட மாட்டாது என ஜனாதிபதி தெளிவாக குறிப்பிட்டுள்ளார். அரசியல் நோக்கத்தை கருதி ஜனாதிபதி சேதன பசளை திட்டத்தை அறிமுகப்படுத்தவில்லை என்பதை மக்கள் விவசாயிகள் முதலில் விளங்கிக் கொள்ள வேண்டும் என்றார்.