தொற்றாளர்களின் எண்ணிக்கை அதிகரிப்பு - விசேட வைத்திய நிபுணர் ஹேமந்த ஹேரத்

Published By: Digital Desk 3

06 Nov, 2021 | 12:31 PM
image

(எம்.மனோசித்ரா)

நாட்டில் நாளாந்தம் இனங்காணப்படும் கொவிட் தொற்றாளர்களின் எண்ணிக்கையில் வீழ்ச்சியை அவதானிக்க முடியவில்லை. இவ்வாறு தொற்றாளர் எண்ணிக்கை அதிகரிக்கின்றமையை விளையாட்டாகக் கருத முடியாது. 

மீண்டும் பாரியதொரு கொவிட் அலை ஏற்பட்டால் அதனை வெற்றிகரமாகக் கட்டுப்படுத்த முடியும் என்று என்னால் கூற முடியாது என்று பிரதி சுகாதார சேவைகள் பணிப்பாளர் நாயகம் விசேட வைத்திய நிபுணர் ஹேமந்த ஹேரத் தெரிவித்தார்.

கொழும்பில் நேற்று வெள்ளிக்கிழமை நடைபெற்ற ஊடகவியலாளர் சந்திப்பில் இதனைத் தெரிவித்த அவர் மேலும் குறிப்பிடுகையில் ,

நாளாந்தம் இனங்காணப்படும் கொவிட் தொற்றாளர்களின் எண்ணிக்கையில் சிறிய அதிகரிப்பை அவதானிக்க முடிகிறது. அதனை விட முக்கியத்துவமுடையது தொற்றாளர் எண்ணிக்கையில் வீழ்ச்சி இடம்பெறாமையாகும். கடந்த ஓரிரு வாரங்களாக தொற்றாளர் எண்ணிக்கையில் சடுதியான வீழ்ச்சி ஏற்பட்டது.

ஆனால் தற்போது நாளுக்கு நாள் இவ்வாறு தொற்றாளர் எண்ணிக்கையில் வீழ்ச்சியை அவதானிக்கக் கூடியதாக இல்லை. மாறாக தொற்றாளர் எண்ணிக்கையில் கணிசமானளவு அதிகரிப்பையே அவதானிக்க முடிகிறது. எவ்வாறிருப்பினும் இது தொடர்பில் இறுதி தீர்மானத்தை தற்போது எடுக்க முடியாது.

எனவே தொற்றாளர் எண்ணிக்கை அதிகரிக்கின்றமையை விளையாட்டாகக் கருத முடியாது. மீண்டும் பாரியதொரு கொவிட் அலை ஏற்பட்டால் அதனை வெற்றிகரமாகக் கட்டுப்படுத்த முடியும் என்று என்னால் கூற முடியாது. இதற்கான தீர்வாக பிரதேசங்களின் அடிப்படையிலோ அல்லது தேசிய ரீதியிலோ நாட்டை முடக்க வேண்டிய நிலைமையே ஏற்படும்.

இந்த நிலைமை நாட்டில் ஏற்பட்டிருந்தமையை கடந்த காலங்களில் நாம் அனுபவித்தோம். இதே நிலைமை மீண்டும் மீண்டும் ஏற்படுவதை தவிர்ப்பதற்கு நாம் அனைவரும் ஒன்றிணைந்து செயற்பட வேண்டும். அவ்வாறில்லை பாரதூரமானதொரு நிலைமை மீண்டும் ஏற்படுவதை தவிர்க்க முடியாது. இதன் ஊடாக நாடு மீண்டும் பின்நோக்கி செல்லக் கூடிய அச்சுறுத்தல் இன்னும் நீங்கவில்லை என்பது தெளிவாகிறது என்றார்.

முக்கிய செய்திகள்

icon-left
icon-right

தொடர்பான செய்திகள்

news-image

பொதுத் தேர்தல் இடம்பெற்றால் எந்த கட்சிக்கும்...

2024-03-29 18:29:33
news-image

ஞானசார தேரர் திடீரென சிறைச்சாலை வைத்தியசாலையில்...

2024-03-29 18:07:00
news-image

மார்ச்சில் பணவீக்கம் 0.9 சதவீதமாக சடுதியாக...

2024-03-29 18:01:49
news-image

யாழ். போதனா வைத்தியசாலைக்கான எரியூட்டியை அமைச்சர்...

2024-03-29 17:55:07
news-image

பொதுஜன பெரமுனவின் மாவட்ட மகா சம்மேளனம்...

2024-03-29 17:15:52
news-image

இனப்பிரச்சினைக்கு 13 வது திருத்தத்தின் அடிப்படையில்...

2024-03-29 16:52:41
news-image

சிவனொளிபாத மலையிலிருந்து பள்ளத்தில் விழுந்த சுற்றுலா...

2024-03-29 17:02:49
news-image

சந்தேகத்துக்கிடமான செயற்பாடுகள் காணப்பட்டால் உடனடியாக பொலிஸாருக்கு...

2024-03-29 18:20:48
news-image

அநுராதபுரம் திறந்தவெளி சிறைச்சாலையில் இரு கைதிகள்...

2024-03-29 15:55:47
news-image

அதிகார பகிர்வினால் மாத்திரமே பொருளாதார வளர்ச்சி...

2024-03-29 15:40:08
news-image

அம்பாந்தோட்டையில் புதிய சுத்திகரிப்பு நிலையம் சினொபெக்...

2024-03-29 15:29:13
news-image

நுவரெலியாவில் ஆடை தொழிற்சாலை ஊழியர்களின் போராட்டம்...

2024-03-29 14:40:51