(துபாயிலிருந்து நெவில் அன்தனி)
ஆப்கானிஸ்தானுக்கு எதிராக அபு தாபியில் புதன்கிழமை (3) நடைபெற்ற குழு 2 க்கான இருபது 20 உலகக் கிண்ண சுப்பர் 12 சுற்று கிரிக்கெட் போட்டியில் இந்தியா 66 ஓட்டங்களால் அபார வெற்றியீட்டியது.
தனது ஆரம்பப் போட்டிகளில் பாகிஸ்தான், நியூஸிலாந்து ஆகிய அணிகளிடம் தோல்விகளைத் தழுவிய இந்தியாவினால் அரை இறுதிக்கு செல்ல முடியுமா என்ற கேள்வி எழுந்த நிலையில் முதலாவது வெற்றியை நேற்று ஈட்டியுள்ளது.
இதன் மூலம் இக் குழுவிலிருந்து பாகிஸ்தானுக்கு அடுத்ததாக அரை இறுதிக்கு செல்வதற்கான வாயிலை இந்தியா திறந்துகொண்டுள்ளது.
இப் போட்டியில் முதலில் துடுப்பெடுத்தாடிய இந்தியா அதிரடியாகத் துடுப்பெடுத்தாடி 20 ஓவர்களில் 2 விக்கெட்களை மாத்திரம் இழந்து 202 ஓட்டங்களைக் குவித்தது.
கே. எல். ராகுல், ரோஹித் ஷர்மா ஆகிய இருவரும் 88 பந்துகளில் 140 ஓட்டங்களைப் பகிர்ந்து இந்தியாவுக்கு பலமான ஆரம்பத்தை இட்டுக்கொடுத்தனர்.
ரோஹித் ஷர்மா 47 பந்துகளில் 8 பவுண்ட்றிகள், 3 சிக்ஸ்கள் அடங்கலாக 74 ஓட்டங்களையும் ராகுல் 48 பந்துகளில் 6 பவுண்ட்றிகள், 2 சிக்ஸ்கள் அடங்கலாக 69 ஓட்டங்களையும் குவித்தனர்.
தொடர்ந்து ஹார்திக் பாண்டியா 11 பந்துகளில் ஆட்டமிழக்காமல் 31 ஓட்டங்களையும் ரிஷாப் பன்ட் 11 பந்துகளில் ஆட்டமிழக்காமல் 27 ஓட்டங்களையும் பெற்றனர்.
பதிலுக்கு துடுப்பெடுத்தாடிய ஆப்கானிஸ்தான் 20 ஓவர்களில் 7 விக்கெட்களை இழந்து 144 ஓட்டங்களை மாத்திரம் பெற்று தோல்வியைத் தழுவியது.
துடுப்பாட்டத்தில் கரிம் ஜனத் ஆட்டமிழக்காமல் 42 ஓட்டங்களையும் அணித் தலைவர் மொஹம்மத் நபி 35 ஓட்டங்களையும் அதிகப்பட்சமாகப் பெற்றனர். இவர்கள் இருவரும் 6 ஆவது விக்கெட்டில் 57 ஓட்டங்களைப் பகிர்ந்தனர்.
இந்திய பந்துவீச்சில் மொஹம்மத் ஷமி 32 ஓட்டங்களுக்கு 3 விக்கெட்களையும் ரவிச்சந்திரன் அஷ்வின் 4 ஓவர்களில் 14 ஓட்டங்களை மாத்திரம் கொடுத்து 2 விக்கெட்களையும் வீழ்த்தினார்.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM