தவறவிடாதீர்கள்..!உடனே பதிவு செய்யுங்கள்

மட்டக்களப்பு - கல்முனை பிரதான வீதியின் காத்தான்குடி பகுதியில் இன்று அதிகாலை இடம்பெற்ற விபத்தில் ஒருவர் உயிரிழந்துள்ளதுடன், மேலும் ஒருவர் படுகாயமடைந்துள்ளார்.

கார் ஒன்றுடன் மோட்டார் சைக்கிள் மோதியமையினாலேயே இந்த விபத்து ஏற்பட்டுள்ளதாக காத்தான்குடி பொலிஸார் தெரிவித்துள்ளனர்.

விபத்தில் மோட்டார் சைக்கிளின் சாரதி சம்பவ இடத்தி‍லேயே உயிரிழந்துள்ளதுடன், அதில் பயணித்த மற்றொரு நபர் காயமடைந்து வைத்தியசாலையில் அனுமதிக்கப்பட்டுள்ளார்.

காத்தான்குடியைச் சேர்ந்த  21 வயதுடைய ஆதம்பாவை  முகமது  அம்ஹர் என்ற இளைஞனே இவ்வாறு உயிரிழந்துள்ளார்.

படுகாயமடைந்த நபர் மட்டக்களப்பு போதனா வைத்தியசாலை தீவிர சிகிச்சைப் பிரிவில் அனுமதிக்கப்பட்டுள்ளார். 

அதேநேரம் விபத்துக்குள்ளான காரின் சாரதியையும் பொலிஸார் கைதுசெய்துள்ளடன், இது தொடர்பான மேலதிக விசாரணைகளை காத்தான்குடி பொலிஸார் மேற்கொண்டு வருகின்றனர்.