தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)

நாட்டின் பல்வேறு பகுதிகளிலும் பொலிஸாருக்கு கிடைக்கப் பெற்ற தகவலுக்கமைய முன்னெடுக்கப்பட்ட சுற்றிவளைப்புக்களில் போதைப்பொருட்களுடன் பல நபர்கள் கைதுசெய்யப்பட்டுள்ளனர். 

கொஸ்கம பொலிஸ் பிரிவில் சுதுவெல்ல பிரதேசத்தில் 6 கிராம் ஐஸ் போதைப்பொருடன் 20 வயதுடைய சந்தேகநபரொருவர் கைது செய்யப்பட்டுள்ளார்.

முல்லேரியா பொலிஸ் பிரிவில் ஹம்புட்டான பிரதேசத்தில் தலங்கம பொலிஸாருக்கு கிடைக்கப் பெற்ற தகவலுக்கமைய முன்னெடுக்கப்பட்ட சுற்றிவளைப்பில் 30 கிராம் ஏஷ் என்ற போதைப்பொருள் மற்றும் 5 கிராம் குஷ் போதைப்பொருள் என்பவற்றுடன் சந்தேகநபரொருவர் கைது செய்யப்பட்டுள்ளார்.

மின்னேரியா பொலிஸ் பிரிவில் படுஓய பாலத்திற்கருகில் முன்னெடுக்கப்பட்ட சுற்றிவளைப்பில் 2 கிராம் 200 மில்லி கிராம் ஹெரோயினுடன் 31 வயதுடைய சந்தேகநபரொருவர் கைது செய்யப்பட்டுள்ளார்.

வாழைச்சேனை பொலிஸ் பிரிவில் மாவடிச்சேனை பிரதேசத்தில் 2 கிராம் 150 மில்லிகிராம் ஹெரோயினுடன் 26 வயதுடைய சந்தேகநபரொருவர் கைது செய்யப்பட்டுள்ளார்.