தவறவிடாதீர்கள்..!உடனே பதிவு செய்யுங்கள்

எஸ்.ஜே. பிரசாத்

டெய்லர் மற்றும் தேயிலை பற்றிய கதை அடிக்கடி சொல்லப்படும்ஒன்றுதான். கண்டியின் தென்கிழக்கே 34 கிமீ தொலைவில் உள்ள லூல்கந்துரஎஸ்டேட்டில் புலம் எண் .7 இல் தேயிலை செடிகளை ஜேம்ஸ் டெய்லர் நடவு ‍செய்ததிலிருந்துஇலங்கையின் தேயிலை நடவு ஆரம்பமானதாக சொல்லப்படுகின்றது.

ஆனாலும் இது நாட்டில் முதல் தேயிலை நடவு அல்லவாம். 1967 இல்இங்கிலாந்தில் வெளியிடப்பட்ட டெனிஸ் எம்.பாரெஸ்ட் எழுதிய "ஒரு நூறு ஆண்டுகள்இலங்கைத் தேநீர்" என்ற புத்தகத்தின் கூற்றுப்படி, 1834 ஆம் ஆண்டில் இலங்கை தேயிலையின்கதை தொடங்குகிறது. 

பாரெஸ்ட்டின் கூற்றுப்படி 1839 ஆம் ஆண்டில் இலங்கைக்கு, இந்தியாவின்கொல்கத்தா தாவரவியல் பூங்காவிலிருந்து கொண்டுவரப்பட்ட முதல் அங்கீகரிக்கப்பட்டதேயிலை விதைகள் பேராதனியில் உள்ள ரோயல் பொட்டானிக் கார்டனில் நடப்பட்டதாம்.

இலங்கையில் முதல் தேயிலைத் தோட்டக்காரராக பல உரிமைகோருபவர்கள்உள்ளனர். ஆனால் டெய்லரின் விரிவான நடவுதான் இந்தத் தொழிலைத் தொடங்கியது என்றுஅனைவரும் ஒப்புக்கொள்கிறார்கள்.

லூல்கந்துர எஸ்டேட் இலங்கையின் முதல் தேயிலை தோட்டமாகும்.அப்‍போ‍தைய சி‍லோனின் அதாவது1867 இல் ஸ்‍கொட்லாந்து நாட்டவரான ஜேம்ஸ் டெய்லரால்தொடங்கப்பட்டது.

ஆங்கிலத்தில் இந்த இடத்திற்கு லூல்கொண்டெரா என்றுதான்அழைப்பர். அதாவது ஆங்கிலேயர்கள் லூல் கந்துர என்ற பூர்வீக பெயரை உச்சரித்தவிதம்தான் லூல்‍கொண்‍டெராஜேம்ஸ் டெய்லர் மார்ச் 29, 1835 அன்று ஸ்கொட்லாந்து நகரமானலோரன்சென்கிர்க்கில் உள்ள மோஸ்பார்க் என்ற இடத்தில் பிறந்தார். ஆறு குழந்தைகளில்ஒருவரான அவர் தனது முதல் வேலை அவரது பழைய பள்ளியில் மாணவர் ஆசிரியராக செயற்பட்டார்.

1851 ஆம் ஆண்டில் அவர் விடுப்பில் இருந்தபோது சந்தித்த அவரதுஉறவினர் பீட்டர் மோயரின் வற்புறுத்தலின் பேரில் தோட்டத்தின் உதவி கண்காணிப்பாளராகஆண்டுக்கு நூறு பவுண்டுகள் சம்பளத்தில் இணைந்தார்.

டெய்லர் தனது 17ஆவது பிறந்தநாளுக்கு சில வாரங்களுக்கு முன்பு,1852 பெப்ரவரி 20 ஆம் திகதி இலங்கைக்கு வந்துள்ளார். அவருக்கு ஒதுக்கப்பட்ட எஸ்டேட்டில் (நாரங்கள) தோட்டக்காரரின் நடத்தையால் அவர் மகிழ்ச்சியடையவில்லை,ஆறு வாரங்களுக்குப் பிறகு, லூல்கந்துர எஸ்டேட்டிற்கு மாற்றப்பட்டார்.

அப்போது அங்கு கோப்பிதான் பயிராக இருந்துள்ளது. டெய்லர்கன்னி தோட்டத்தை ஒரு இலாபகரமான முயற்சியாக மாற்றுவதிலும், தனக்கென ஒரு பங்களாவை உருவாக்குவதிலும், ஒரு செழிப்பான மலர் தோட்டத்தை உருவாக்குவதிலும் விடாமுயற்சியுடன்இருந்துள்ளார்.

சாதிக்காய், கிராம்பு, வெண்ணிலா மற்றும் ஏலக்காய் போன்ற பிறபயிர்களை அவர் பரிசோதித்து பார்த்துள்ளார். ஆனால் அவர் மரப்பட்டையை வளர்ப்பதுமற்றும் சந்தைப்படுத்துவதில் அதிக வெற்றியைப் பெற்றார்.

1860களின் முற்பகுதியில், டெய்லர் பேராதெனியவிலிருந்துதேயிலை விதைகளைப் பெற்று அவரது தோட்டப் பாதைகளில் தேயிலைச் செடிகளை வெற்றிகரமாகவளர்த்துள்ளார்.

இன்று இலங்கையைப் பற்றி கேள்விப்படாத மக்கள் கூட அதன் தரத்திற்குபெயர் பெற்ற சிலோன் ‍தேயி‍லை‍யை நன்கு அறிந்திருக்கிறார்கள். 1872 ஆம் ஆண்டில், தேயிலை இலைகள் வெட்டும் இயந்திரத்தின் சமீபத்தியகண்டுபிடிப்புடன் அவர் ஒரு தேயிலை தொழிற்சாலையைத் தொடங்கினார்.

லூல்கந்துர எஸ்டேட்டில் டெய்லர் வாழ்ந்த காலத்தில், தேயிலைஏற்றுமதி 23 பவுண்டிலிருந்து 81 ‍தொன்னாக அதிகரித்த‍‍தோடு 1890 களகளில்அது 22,900 ‍தொன்கள் எனும் அளவை எட்டியது.

1892 இல் அவர் இறக்கும் வரை அவர் தனது வாழ்க்கையின் பெரும்பகுதியைலூல்கந்துரவி‍லே‍யே கழித்துள்ளார். இலங்கையின் அதிகாரிகள் அவரை நினைவுகூரும் வகையில் 1992இல் லூல்கந்துர ஒரு அருங்காட்சியகத்தை அமைத்தனர்.

இலங்கை தேயிலைத் துறையின் விரைவான வளர்ச்சி பெரிய தேயிலை நிறுவனங்களைகையகப்படுத்த அனுமதித்தது, எனவே டெய்லர் போன்ற சிறு விவசாயிகளை தொழிலில் இருந்து  விரட்டியடித்தனர். இதன் காரணமாக, டெய்லர் லூல்கந்துர எஸ்டேட் நிர்வாகத்தால்பணிநீக்கம் செய்யப்பட்டார்.

கடுமையான இரைப்பை குடல் அழற்சி மற்றும் வயிற்றுப்போக்கினால்அவதிப்பட்டு வந்த அவர், லூல்கந்துர தோட்டத்திலிருந்து வெளியேற்றப்பட்ட ஒருவருடத்திற்குப் பிறகு, 1892 இல் டெய்லர் காலமானதாக குறிப்புகள் ‍சொல்கின்றன. அவரது உடல் கண்டி மகாயாவ கல்லறையில் அடக்கம் செய்யப்பட்டது.

அவரது கல்ல‍ைறயில், "இலங்கையின் லூல்கந்துர தோட்டத்தைச் சேர்ந்த ஜேம்ஸ்டெய்லரின் புனிதமான நினைவாக, தேயிலை நிறுவனத்தின் முன்னோடி, 1892 மே 2, 57 வயதில் இறந்தார்"என்று ‍பொறிக்கப்பட்டதாம்.

1893 இல் அவர் இறந்து ஒரு வருடம் கழித்து, சிகாகோ உலக கண்காட்சியில்லண்டனுக்கான முதல் கப்பலின் சிலோன் தேநீர் பக்கெட்டுகள் விற்கப்பட்டுள்ளன. இப்போது தோன்றியுள்ள மலையகத்தின் அழகு இலங்கைக்கு தேயிலை சாகுபடியைஅறிமுகப்படுத்திய ஜேம்ஸ் டெய்லரின் உத்வேகத்திற்கு மிகவும் கடமைப்பட்டுள்ளது.