தவறவிடாதீர்கள்..!உடனே பதிவு செய்யுங்கள்

எம்.மனோசித்ரா

மாத்தறை பிரதேசத்தில் வசிக்கும் பெண்ணொருவருடன் முகநூல் ஊடாக தொடர்பு கொண்டு , குறித்த பெண்ணுக்கு வெளிநாட்டிலிருந்து பெறுமதி மிக்க டொலர் பொதியொன்று கிடைக்கப் பெற்றுள்ளதாக தெரிவித்து ஒரு இலட்சத்து 29 000 ரூபா மோசடி செய்த சந்தேகநபரொருவர் கைது செய்யப்பட்டுள்ளதாக பொலிஸ் பேச்சாளர் சிரேஷ்ட பொலிஸ் அத்தியட்சகர் நிஹால் தல்துவ தெரிவித்தார்.

இவ்வாறு கைது செய்யப்பட்ட சந்தேகநபர் 33 வயதுடைய வெளிநாட்டு பிரஜையொருவர் ஆவார். இவர் நுகேகொட பிரதேசத்தில் கணனி குற்ற விசாரணைப் பிரிவினரால் கைது செய்யப்பட்டுள்ளார். இவர் கல்கிஸை பகுதியில் ஆடை விற்பனை தொழிலில் ஈடுபட்டு வருபவர் என்று விசாரணைகளில் தெரியவந்துள்ளது.

சமூக வலைத்தளங்கள் ஊடாக அறியாத நபர்களுடன் தொடர்புகளைப் பேணுவதில் அனைவரும் அவதானத்துடன் செயற்பட வேண்டும் என்று பொலிஸ் பேச்சாளர் மேலும் தெரிவித்தார்.