கிரிக்கெட்டில் கால் பதிக்கும் ரோஹித்த ராஜபக்ச!

14 Oct, 2021 | 06:31 AM
image

(எம்.எம்.சில்வெஸ்டர்)

ஸ்ரீ லங்கா கிரிக்கெட் நிறுவனத்தின் ஏற்பாட்டில் எதிர்வரும் 27 ஆம் திகதி அன்று நடைபெறவுள்ள  உள்நாட்டின் முன்னணி கழகங்களுக்கிடையிலான 50 ஒவர்கள் கொண்ட போட்டித் தொடரின் களுத்துறை நகர சபை கழகத்துக்கான அணியில் ரோஹித்த ராஜபக்ச இணையவுள்ளதாக தெரிவிக்கப்படுகிறது. 

இப்போட்டிகளில் பங்கேற்பதற்காக மக்கொனையில் அமைந்துள்ள 'சர்ரே வில்லேஜ் ' மைதானத்தில் ரோஹித்த ராஜபக்ச பயிற்சிகளில்ஈடுபட்டு வருவதாகவும் குறிப்பிடப்படுகிறது.

களுத்துறை நகர விளையாட்டு கழக அணியை தெரிவு செய்வதற்காக பயிற்சி போட்டிய இன்றைய தினம் நடைபெற்றுள்ளதுடன், இந்த பயிற்சிப் போட்டியில் ரோஹித்த ராஜபக்சவும் பங்கேற்றிருந்தாக தெரிய வருகிறது.  

கல்கிஸ்ஸை பரி.தோமா கல்லூரியின் பழைய மாணவரான ரோஹித்த, கல்லூரியின் ரக்பி அணியிலும் சீ.எச். அண்ட் எப்.சீ. கழகத்துக்காக விளையாடியுள்ளார். 

"ரோஹித்த ராஜபக்ச எமது அணியுடன் பயிற்சிகளில் ஈடுபட்டு வருகிறார். எனினும், அவர் இதுவரையிலும் அவரது பெயரை எமது கழகத்தில் பதிவு செய்யவில்லை. எவ்வாறாயினும், அவர் எமது கழகத்தில் பதிவாகி, இப்போட்டித் தொடரில் எமது கழகத்துக்காக விளையாடுவதை எதிர்பார்ப்பதாக"  களுத்துறை நகர சபை கழகத்தின் தலைவர் தீபால் ‍ பெரேரா குறிப்பிட்டுள்ளார்.

எதிர்வரும் 27 ஆம் திகதி அன்று ஆரம்பமாகவுள்ள  50 ஓவர்கள் கொண்ட உள்ளூர் அணிகளுக்கு இடையிலான இப்போட்டித் தொடரில் களுத்துறை நகர சபை கழகம் இலங்கை கடற்படை கழகத்தை எதிர்த்தாடவுள்ளது.

 இதேவேளை, இலங்கை கிரிக்கெட் அணியின் வீரரும்  கல்கிஸ்‍ஸை பரி.தோமா கல்லூரியின் பழைய மாணவருமான ஜீவன் மெண்டிஸ், தான் விளையாடும் கழகமான பதுரலெிய விளையாட்டுக் கழகத்தில் ரோஹித்த ராஜபக்சவை இணைத்துக்கொள்ளவதற்கு எடுத்த முயற்சிகள் தோல்வியில் முடிந்ததாகவும் தெரிவிக்கப்படுகிறது.

முக்கிய செய்திகள்

icon-left
icon-right

தொடர்பான செய்திகள்

news-image

எஸ்.எஸ்.சி.யின் 125 வருட கொண்டாட்ட விழா...

2024-03-28 13:22:56
news-image

பங்களாதேஷுடனான 2ஆவது டெஸ்ட்: உபாதைக்குள்ளான ராஜித்தவுக்குப்...

2024-03-28 13:22:16
news-image

19இன் கீழ் மகளிர் மும்முனை கிரிக்கெட்...

2024-03-28 00:56:33
news-image

சாதனைகள் படைக்கப்பட்ட ஐபிஎல் போட்டியில் மும்பையை...

2024-03-28 00:04:56
news-image

சில்ஹெட் டெஸ்டில் தலா 2 சதங்கள்...

2024-03-27 22:22:22
news-image

இலங்கையில் மகளிர் ரி20 ஆசிய கிண்ண...

2024-03-27 22:09:33
news-image

குஜராத்தை வீழ்த்தி இரண்டாவது நேரடி வெற்றியை...

2024-03-27 01:34:06
news-image

ஐ.பி.எல் 2024 : குஜராத் டைட்டன்ஸ்...

2024-03-26 23:43:35
news-image

ஸ்ரீ லயன்ஸ் அழைப்பு வலைபந்தாட்டப் போட்டியில்...

2024-03-26 19:25:58
news-image

பூட்டானை வீழ்த்தியது இலங்கை : கால்பந்தாட்டத்திலிருந்து...

2024-03-26 16:48:31
news-image

சீன கால்பந்தாட்டச் சங்கத்தின் முன்னாள் தலைவருக்கு...

2024-03-26 11:53:22
news-image

ஐ.பி.எல் 2024 : பஞ்சாப் கிங்ஸை...

2024-03-26 00:02:20