தவறவிடாதீர்கள்..!உடனே பதிவு செய்யுங்கள்

(எம்.எம்.சில்வெஸ்டர்)

உலக இருபதுக்கு 20 கிரிக்‍கெட் தொடரை முன்னிட்டு இலங்கை மற்றும் பங்களாதேஷ் கிரிக்கெட் அணிகள் மோதும் பயிற்சி போட்டி இன்றைய தினம் இலங்கை நேரப்படி இரவு 7.30 மணிக்கு ஆரம்பமாகவுள்ளது.

உலக இருபதுக்கு 20 கிரிக்கெட் தொடரின் தகுதிகாண் சுற்றில் இலங்கை கிரிக்கெட் அணி குழு ஏயில் அங்கம் வகிக்கிறதுடன், பங்களாதேஷ் கிரிக்கெட் அணி பீ குழுவில் அங்கம் வகிக்கிறது. 

பங்களாதேஷ் அணியுடனான பயிற்சிப் போட்டியையடுத்து, எதிர்வரும் 14 ஆம் திகதியன்று பீ குழுவில் அங்கம் வகிக்கும் மற்றுமொரு அணியான பப்புவா நியூகீனியா அணியுடன் பயிற்சிப் போட்டியில் இலங்கை அணி விளையாடவுள்ளது.

ஓமான் அணியுடனான 2 பயிற்சிப் போட்டிகளில் வெற்றியீட்டிய தசுன் ஷானக்க தலைமையிலான இலங்கை கிரிக்கெட் அணி சிறந்த மனோபலத்துடன் பங்களாதேஷ் அணியுடான பயிற்சிப் போட்டியில் களமிறங்கவுள்ளது. 

இதேவேளை, உலக இருபதுக்கு 20 கிரிக்கெட் தொடரின் தகுதிகாண் சுற்று எதிர்வரும் 17 ஆம் திகதியன்று ஆரம்பமாகவுள்ளது. 

இதன் ஏ குழுவில் இலங்கை, அயர்லாந்து, நெதர்லாந்து , நமீபியா ஆகியனவும் பீ குழுவில் பங்களா‍‍தேஷ், ஸ்கொட்லாந்து, ஓமான், பப்புவா நியூ கீனியா ஆகியனவும் இடம்பெற்றுள்ளமை குறிப்பிடத்தக்கது.