தவறவிடாதீர்கள்..!உடனே பதிவு செய்யுங்கள்

(ஆர்.யசி,எம்.ஆர்.எம்.வசீம்)

அபிவிருத்திகள் என்ற பெயரில் கடன்களை வாங்கி, ஊழல், மோசடிகள் கொள்ளைகளில் ஈடுபட்டு இறுதியாக நாட்டை ஊழலில் மூழ்கடித்தது மட்டுமல்லாது, தலைதூக்க முடியாத பொருளாதார நெருக்கடிக்குள் ராஜபக்ஷ அரசாங்கம் தள்ளிவிட்டது.

உலகில் எங்காவது ஊழல் பட்டியல் வெளியானால் அதில் இலங்கையர்களும் இருப்பார்கள் என்ற நிலை உருவாகிவிட்டதாக சபையில் கடுமையான விமர்சனங்களை முன்வைத்த மக்கள் விடுதலை முன்னணியின் தலைவர் அநுரகுமார திசாநாயக, டீல் மூலமாக, கணக்குவழக்குகள் மூலமாக, ஊழல் மூலமாக, கப்பம் மூலமாக, தரகுப்பணம் மூலமாக இந்த நாட்டினை அபிவிருத்தி அடையச்செய்யலாம் என ராஜபக்ஷவினரின் அரசாங்கம் நினைத்துக்கொண்டுள்ளதாகவும் சாடினார்.

பாராளுமன்றத்தில் இன்று  வெள்ளிக்கிழமை, 2021 ஆம் ஆண்டு நடுப்பகுதியின் நிதி நிலைமைகள் தொடர்பான அறிக்கை மீதான சபை ஒத்திவைப்பு விவாதம் இடம்பெற்ற வேளையில் அதில் உரையாற்றும் போதே அவர் இதனை கூறினார்.