தவறவிடாதீர்கள்..!உடனே பதிவு செய்யுங்கள்

தேசிய மருந்துகள் ஒழுங்குமுறைப்படுத்தும் அதிகாரசபை தரவுகள் (NMRA) காணாமல்போனமை தொடர்பாக கைதுசெய்யப்பட்டிருந்த தனியார் நிறுவனமொன்றின் மென்பொருள் பொறியளார் சார்பில் தாக்கல் செய்யப்பட்ட பிணை மனு நிராகரிக்கப்பட்டுள்ளது.

இந்த வழக்கு இன்று (06) காலை விசாரணைக்கு எடுத்துக்கொள்ளப்பட்டபோதே கொழும்பு பிரதான நீதிவான் இந்த மனுவை நிராகரித்ததுடன், சந்தேக நபரை ஒக்டோபர் 18 ஆம் திகதி வரை விளக்கமறியலில் வைக்குமாறும் உத்தரவு பிறப்பித்தார்.

குற்றப் புலனாய்வுப் பிரிவினர் செப்டெம்பர் 28 ஆம் திகதி குறித்த சம்பவம் தொடர்பில் திவுலபிட்டியவைச் சேர்ந்த மேற்கண்ட மென்பொருள் பொறியாளரை கைது செய்திருந்தனர்.

ஏற்கனவே இந்த விவகாரத்தில் குறித்த தனியார் நிறுவனத்தின் பிரதான நிறைவேற்று அதிகாரி  தரின் கல்பகே சி.ஐ.டி.யினரால் கைது செய்யப்பட்டு பிணையில் விடுவிக்கப்பட்டுள்ள இவர் கைதுசெய்யப்பட்டார்.

அவரிடம் மேற்கொள்ளப்பட்ட விசாரணைகளின்போது, சந்தேகநபர் ஒரு சிறப்பு கட்டளையைப் பயன்படுத்தி தரவுத்தளத்திலிருந்து தொடர்புடைய தரவை அழித்ததாக வெளிப்படுத்தினார்.

செப்டம்பர் 29 ஆம் திகதி அவர் நீதிமன்றத்தில் ஆஜர்படுத்தப்பட்டபோது, கொழும்பு மேலதிக நீதிவான் சந்தேக நபரை இன்று வரை விளக்கமறியலில் வைக்குமாறு உத்தரவு பிறப்பித்திருந்தமையும் குறிப்பிடத்தக்கது.