தவறவிடாதீர்கள்..!உடனே பதிவு செய்யுங்கள்

இலங்கை மற்றும் தென்னாபிரிக்க அணிகளுக்கிடையிலான இரண்டாவது டி-20 கிரிக்கெட் போட்டியானது இன்றைய தினம் இடம்பெறவுள்ளது.

இப் போட்டியானது இன்று மாலை 7.00 மணிக்கு கொழும்பு ஆர்.பிரேமதாச மைதானத்தில் ஆரம்பமாகும்.

இலங்கைக்கு சுற்றுப் பயணம் மேற்கொண்டுள்ள தென்னாபிரிக்க அணியானது இலங்கையுடன் ஒருநாள் மற்றும் டி-20 கிரிக்கெட் தொடர்களில் விளையாடி வருகிறது.

இதில் முதலாவதாக நடைபெற்று முடிந்த ஒருநாள் தொடரை இலங்கை கைப்பற்ற, வெள்ளிக்கிழமை ஆரம்பமானது மூன்று போட்டிகள் கொண்ட டி-20 தொடரின் முதல் போட்டியில் வெற்றி பெற்றது தென்னாபிரிக்கா.

இந் நிலையில் இன்று நடைபெறும் இரண்டாவது ஆட்டத்தில் தசூன் சானக்க தலைமையிலான இலங்கை, ஒக்டோபரில் ஆரம்பமாகும் டி-20 உலகக் கிண்ணத்துக்கு முன்னதாக உள்ளூரில் தொடர் தோல்வியை தவிர்ப்பதற்கு பாடுபடும்.

அதேசமயம் தென்னாபிரிக்கா, இந்த ஆட்டதிலும் வெற்றி பெற்று, டி-20 தொடரையாவது கைப்பற்ற வேண்டும் என்ற ஆவலடன் காத்திருக்கிறது.