மட்டு வாழைச்சேனையில் கசிப்பு தயாரிப்பு, விற்பனையில் ஈடுபட்ட 3 பெண்கள் கைது

08 Sep, 2021 | 10:05 PM

மட்டக்களப்பு வாழைச்சேனை பொலிஸ் பிரிவிலுள்ள கண்ணகிபுரம் மற்றும் யூனியன் கொலனி பகுதிகளில் கசிப்பு உற்பத்தியில் ஈடுபட்ட மற்றும் கசிப்பு வியாபாரத்தில் ஈடுபட்ட 3 பெண்களை நேற்று செவ்வாய்கிழமை (7) கைது செய்ததுடன் 8 போத்தல் கசிப்பு மற்றும் கசிப்பு தயாரிக்கும் உபகரணங்களையும் மீட்டுள்ளதாக வாழைச்சேனை பொலிசார் தெரிவித்தனர்.

பொலிசாருக்கு கிடைத்த தகவல் ஒன்றினையடுத்து பொலிசார் சம்பவதினமான நேற்று இரவு கண்ணகிபுரம் மற்றும் யூனியன் கொலனி ஆகிய பிரதேசத்திலுள்ள 3 வீடுகளை முற்றுகையிட்ட போது கண்ணகிபுரத்தில் ஒரு பெண்ணை 2 போத்தல் கசிப்புடனும் யூனியன் கொலனியில் கசிப்பு வியாபரத்தில் ஈடுபட்ட பெண் ஒருவரை 6 போத்தல் கசிப்புடனும் . அதே பகுதியில் கசிப்பு தயாரிப்பில் ஈடுபட்ட பெண் ஒருவர் உட்பட வெவ்வேறு சம்பவங்களில் 3 பெண்களை கைது செய்தனர்.

இவர்களிடமிருந்து 8 போத்தல் கசிப்பு மற்றும் கசிப்பு தயாரிக்கும் உபகரணங்களை மீட்டுள்ளதாகவும். இவர்களை நீதிமன்றில் ஆஜர்படுத்த நடவடிக்iகை எடுக்கப்பட்டுள்ளதாகவும் பொலிசார் தெரிவித்தனர்.