தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)

நாட்டில்  20 - 30 வயதுக்கு உட்பட்ட சகலருக்கும் தடுப்பூசி வழங்கும் பணிகளை இன்று வியாழக்கிழமை முதல் மாவட்ட மட்டத்தில் ஆரம்பிப்பதற்கு நடவடிக்கை எடுக்குமாறு சுகாதார அமைச்சர் கெஹெலிய ரம்புக்வெல்ல ஆலோசனை வழங்கியுள்ளார்.

கொவிட் தொற்று கட்டுப்படுத்தலில் முன்னிலை சுகாதார ஊழியர்களுக்கு தடுப்பூசி வழங்கும் போது இந்த வயதெல்லைக்கு உட்பட்டோருக்கும் , இதே வயதெல்லையிலுள்ள ஆடை தொழிற்சாலையில் பணிபுரியும் ஊழியர்களுக்கும் ஏற்கனவே தடுப்பூசி வழங்கப்பட்டுள்ளதாகவும் அமைச்சர் தெரிவித்தார்.

20 - 30 வயதுக்கு இடைப்பட்டோர் சனத்தொகையில் 3.7 மில்லியன் பேர் தடுப்பூசி பெற தகுதியுடையவர்களாவர்.

இவர்களுக்கு தடுப்பூசி வழங்கும் பணிகளை துரிதமாக நிறைவு செய்யுமாறும் அமைச்சர் அதிகாரிகளுக்கு பணிப்புரை விடுத்துள்ளார்.

ஒன்றிணைந்த அரச சேவை தாதிகள் சங்கத்தினருடன் இன்று வியாழக்கிழமை நடைபெற்ற சந்திப்பின் போதே அமைச்சர் இதனைத் தெரிவித்தார். இந்த சந்திப்பில் சங்கத்தின் தலைவர் முருந்தெட்டுவே ஆனந்த தேரர் உள்ளிட்ட பலர் கலந்து கொண்டிருந்தனர்.

அதற்கமைய கிடைக்கப்பெறும் தடுப்பூசி சிறந்த தடுப்பூசி என்று கருதி எந்தவொரு தடுப்பூசி கிடைத்தாலும் அதனை துரிதமாக பெற்றுக் கொள்ளுமாறு அமைச்சர் கேட்டுக் கொண்டார்.