தவறவிடாதீர்கள்..!உடனே பதிவு செய்யுங்கள்

நாட்டில் பால்மா, சீனி, எரிவாயு, உட்பட பல்வேறு அத்தியவசிய பொருட்களின் விலை உச்சத்தை தொட்டும், சில அத்தியாவசிய பொருட்கள் சந்தையில் இல்லாத நிலையில் கல்முனை லங்கா ச.தொ.சவில் இன்று (27) சீனி 120 ரூபாவுக்கு விற்பனை செய்யப்பட்டது. 

அங்கு உள்ளூர் உற்பத்தி  பால்மா சில வகைகளின் விற்பனையும் இடம்பெற்றதால் மக்கள் வெள்ளம் லங்கா ச.தொ.ச.வில் குவிந்திருந்தமையை காணக்கூடியதாக இருந்தது. 

அத்தியவசிய பொருட்களை கொள்வனவு செய்ய மக்கள் ஆர்வத்துடன் விற்பனை நிலையத்தை நோக்கி வந்தாலும் நாட்டின் கொரோனா சூழ்நிலை காரணமாக மக்களை கட்டுப்படுத்துவதில் பல்வேறு சிக்கல் நிலைகள் உள்ளதாக கல்முனை லங்கா ச.தொ.ச முகாமையாளர் தெரிவித்தார். 

நாட்டின் நடுத்தர வர்க்கம் முதல் உயர்தர வர்க்கம் வரை கொரோனா அலையில் பொருளாதார பாதிப்பை சந்தித்திருக்கும் இந்த சூழ்நிலையில் விலையேற்றம் பாரிய சங்கடத்தை மக்கள் மத்தியில் ஏற்படுத்தியுள்ளது.