ஆப்கானிஸ்தான் தலைநகர் காபூலில் இருந்து சென்ற அமெரிக்க இராணுவ விமானத்தில், நிறைமாத கர்ப்பிணிக்கு பிறந்த குழந்தைக்கு "ரீச்" (Reach) என பெயரிடப்பட்டுள்ளது.
ஆப்கானிலிருந்து புறப்பட்ட விமானத்தில் பிறந்த பெண்குழந்தைக்கு விமானத்தின் அழைப்பு சமிக்ஞையான ரீச் என்பதையே பெற்றோர் பெயராக சூட்டியுள்ளனர்.
கடந்த சில நாட்களுக்கு முன் ஆப்கானிஸ்தானின் காபூல் விமானநிலையத்திலிருந்து பொதுமக்களை ஏற்றிச் சென்ற விமானத்தில் பயணித்த கர்ப்பிணியொருவர் விமானத்திலேயே பெண்குழந்தையை பெற்றெடுத்தார்.
அந்த விமானத்தின் அழைப்பு சமிக்ஞை ரீச் 828 என்பதாகும். இந்நிலையில், குழந்தையின் பெற்றோர் இதன் காரணமாக தங்களின் குழந்தைக்கு ரீச் என பெற்றோர் பெயரிட்டுள்ளனர்.
ஆப்கானிலிருந்து பொதுமக்களை விமானம் மூலம் வெளியேற்றும் நடவடிக்கையின் போது மூன்று குழந்தைகள் பிறந்துள்ளன. இந்த குழந்தை மாத்திரம் விமானத்தில் பிறந்துள்ளது ஏனைய இரண்டு குழந்தைகளும் வைத்தியசாலையில் பிறந்துள்ளன.
மத்திய கிழக்கிலிருந்து விமானம் புறப்பட்டவேளை குறித்த தாய் பிரசவவலியால் துடித்துள்ளார், புத்திசாலித்தனமாக செயற்பட்ட விமானி விமானத்தை தாழ்வாக பறக்கச் செய்து தாயின் உயிரை காப்பாற்றியுள்ளார்.
குழந்தை அமெரிக்க விமானத்தில் பிறந்தபோதிலும் பெண்குழந்தைக்கு அமெரிக்க பிரஜாவுரிமை கிடைக்குமா என்பதில் சந்தேகம் நிலவுகின்றது.
இந்நிலையில், அமெரிக்க விமானப்படையின் விமானி என்ற அடிப்படையில் ரீச் என அழைக்கப்படும் குழந்தை அமெரிக்க பிரஜையாக வளர்ந்து எங்கள் வான் வெளியில் எங்கள் போர்விமானங்களை செலுத்தவேண்டும் என்பதே எனது விருப்பம் என அவர் குறிப்பிட்டுள்ளார்.
பெற்றோர்கள் தங்கள் பெண்குழந்தைக்கு ரீச் என பெயரிட்டனர், அவர்களை கட்டாரிலிருந்து ஜேர்மனியின் ரம்ஸ்டெய்ன் விமானதளத்திற்கு அழைத்துவந்த விமானத்தின் அழைப்பு சமிக்ஞை ரீச் என்பதால் அவர்கள் தங்கள் குழந்தைக்கு அந்த பெயரை சூட்டினார்கள் என அதிகாரியொருவர் தெரிவித்துள்ளார்.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM