தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)

பாணந்துறை, அங்குலானை மற்றும் பொரளை ஆகிய பிரதேசங்களில் பொலிஸாரால் முன்னெடுக்கப்பட்ட சுற்றிவளைப்புக்களில் ஹெரோயினுடன் 3 சந்தேகநபர்கள் கைது செய்யப்பட்டுள்ளதாக பொலிஸ் ஊடகப்பிரிவு தெரிவித்துள்ளது.

பாணந்துறை

பாணந்துறை தெற்கு பொலிஸ் பிரிவில் வலான பிரதேசத்தில் ,  வலான மத்தி குற்றத்தடுப்பு பிரிவினரால் முன்னெடுக்கப்பட்ட சுற்றிவளைப்பில் 690 கிராம் ஹெரோயினுடன் பாணந்துறை பிரதேசத்தைச் சேர்ந்த 35 வயதுடைய சந்தேக நபரொருவர் கைது செய்யப்பட்டுள்ளார்.

அங்குலானை

அங்குலானை பொலிஸ் பிரிவில் அங்குலானை பொலிஸாருக்கு கிடைக்கப் பெற்ற தகவலுக்கமைய முன்னெடுக்கப்பட்ட சுற்றி வளைப்பில் 5 கிராம் 500 மில்லி கிராம் ஹெரோயினுடன் மொரட்டுவை பிரதேசத்தைச் சேர்ந்த 45 வயதுடைய நபரொருவர் கைது செய்யப்பட்டுள்ளார்.

குறித்த சந்தேகநபர் நேற்று வெள்ளிக்கிழமை மொரட்டுவை நீதவான் நீதிமன்றத்தில் அனுமதிக்கப்பட்டதன் பின்னர் எதிர்வரும் செப்டெம்பர் மாதம் 3 ஆம் திகதி வரை விளக்கமறியலில் வைக்கப்பட்டுள்ளார்.

பொரளை

பொரளை பொலிஸ் பிரிவில் ஹல்கஹாகும்புர பிரதேசத்தில் பொலிஸாரால் முன்னெடுக்கப்பட்ட சுற்றிவளைப்பில் 4 கிராம் 400 மில்லி கிராம் ஹெரோயினுடன் 19 வயதுடைய பொரளை பிரதேசத்தை சேர்ந்த சந்தேகநபரொருவர் கைது செய்யப்பட்டுள்ளதாக பொலிஸ் ஊடகப்பிரிவு மேலும் தெரிவித்துள்ளது.