தவறவிடாதீர்கள்..!உடனே பதிவு செய்யுங்கள்

(இராஜதுரை ஹஷான்)
அதிபர் - ஆசிரியர் சேவையில் நிலவும் பிரச்சினைகளுக்கு தீர்வு வழங்கும் வகையில் தயாரிக்கப்பட்டுள்ள சுபோதினிகுழு அறிக்கையினை அமைச்சரவை உப குழுவினர் கொள்கை ரீதியில் ஏற்றுக் கொண்டுள்ளனர். இருப்பினும் அறிக்கையின் உள்ளடக்கத்தை செயற்படுத்த நிதி பற்றாக்குறை காணப்படுகிறது என்று குறிப்பிடுகிறார்கள்.

வேதன அதிகரிப்பு தொடர்பில் அமைச்சரவை உப குழுவினருக்கும், நிதியமைச்சருக்கும் இடையிலான பேச்சுவார்த்தை இடம் பெறவுள்ளது என இலங்கை ஆசிரியர் சங்கத்தின் தலைவர் மஹிந்த ஜாசிங்க தெரிவித்தார்.

 அமைச்சரவை உபகுழுவினருக்கும், ஆசிரியர்- அதிபர் தொழிற்சங்க பிரதிநிதிகளுக்கும் இடையில் இடம் பெற்ற பேச்சுவார்த்தை தொடர்பில் வினவிய போது மேற்கண்டவாறு குறிப்பிட்டார்.

அவர் மேலும் குறிப்பிடுகையில், ஆசிரியர் - அதிபர் சேவையில் நிலவும் பிரச்சினைகளை முன்வைத்து  தொழிற்சங்கத்தினர் முன்னெடுத்துள்ள போராட்டத்திற்கு தீர்வு காணும் வகையில்  நியமிக்கப்பட்டுள்ள  அமைச்சரவை உபகுழுவின் உறுப்பினர்களுக்கும், தொழிற்சங்கத்தினருக்கும் இடையிலான பேச்சுவார்த்தையில் இரு தரப்பு காரணிகளும் நியாயப்படுத்தப்பட்டன.

ஆசிரியர் - அதிபர் சேவையில் காணப்படும் வேதன பிரச்சினைக்கு தீர்வு காணும் வகையில் கல்வி அமைச்சு மட்டத்தில் உருவாக்கப்பட்ட சுபோதினி குழு அறிக்கையினையாவது செயற்படுத்துமாறு தொடர்ந்து வலியுறுத்தினோம். சுபோதினி அறிக்கையினை  கொள்கை ரீதியில் ஏற்றுக் கொள்கிறோம்.

சுபோதினி அறிக்கையினை செயற்படுத்துவதில் நிதிசார் பிரச்சினை காணப்படுகிறது. வேதன  அதிகரிப்பு தொடர்பில் இன்று நிதியமைச்சருடன் பேச்சுவார்த்தையில் ஈடுப்படவுள்ளதாக அமைச்சரவை உபகுழுவின் உறுப்பினர்கள் குறிப்பிட்டார்கள்.

 அமைச்சரவை உபகுழுவின் அறிக்கை எதிர்வரும் திங்கட்கிழமை அமைச்சரவைக்கு சமர்ப்பிக்க எதிர்பார்ப்பதாக  உறுப்பினர்கள் குறிப்பிட்டனர். பிரச்சினைக்கு தீர்வு  பெற்றுக் கொடுக்கும் வரை நிகழ்நிலை முறைமை ஊடான  கற்பித்தலில்  ஆசிரியர்கள் ஈடுப்படமாட்டார்கள்  என்பதில் எவ்வித மாற்றமுலில்லை என்றார்.