மட்டக்களப்பில் ஒரு கிலோ கேரள கஞ்சாவுடன் கஞ்சா வியாபாரி கைது - முச்சக்கரவண்டி மீட்பு

20 Jul, 2021 | 06:55 AM

மட்டக்களப்பு வாழைச்சேனை பகுதியில் கஞ்சா வியாபாரத்திற்காக முச்சக்கரவண்டியில் எடுத்துச் சென்ற கஞ்சா வியாபாரி ஒருவரை ஒரு கிலோ கேரள கஞ்சாவுடன் திங்கட்கிழமை (19) இரவு இராணுவ புலனாய்பு பிரிவினர் கைது செய்ததுடன் கேரள கஞ்சா மற்றும் முச்சக்கரவண்டி ஒன்றை மீட்டு ஒப்படைத்துள்ளதாக வாழைச்சேனை பொலிசார் தெரிவித்தனர்.

வாழைச்சேனை கடதாசி ஆலை இராணுவ புலனாய்வு பிரிவுக்கு கிடைத்த தகவல் ஒன்றினையடுத்து சம்பவதினமான இன்று திங்கட்கிழமை இரவு 11 மணியளவில் வாழச்சேனை கோழிக்கடை வீதியில் கண்காணிப்பில் ஈடுபட்டுக் கொண்டிருந்த போது அவ் வீதியால் பயணித்த முச்சக்கரவண்டியை வழிமறித்து சோதனையிட்டனர்.

இதன் போது முச்சக்கரவண்டியில் மறைத்து வைக்கப்பட்டு வியாபாரத்துக்காக எடுத்துச் சென்ற ஒரு கிலோ கேரள கஞ்சாவை மீட்டதுடன் கஞ்சா வியாபாரியை இராணுவ புலனாய்வு பிரிவினர் கைது செய்ததுடன் முச்சக்கரவண்டியை மீட்டு பொலிசாரிடம் ஒப்படைத்தனர்.

இதில் கைது செய்யப்பட்டவரை நீதிமன்றில் ஆஜர்படுத்த நடவடிக்கை எடுக்கப்பட்டுள்ளதாக பொலிசார் தெரிவித்தனர்.