கிரிக்கெட் இரசிகர்கள் ஆவலுடன் எதிர்பார்த்துக் காத்திருந்த இருபதுக்கு-20 உலகக்கிண்ண தொடரில், எந்தெந்த அணிகள் எந்தக் குழுக்களில் இடம்பெற்றுள்ளன என்பதை தெளிவுப்படுத்தும் குழு விபரங்களை சர்வதேச கிரிக்கெட் சபை வெளியிட்டுள்ளது.
இந்தச் சுற்றுக்கு சுப்பர்-12 எனப் பெயரிடப்பட்டுள்ளது.
வெளியாகியுள்ள அணிகள் அடங்கிய பட்டியலில் இலங்கை அணி ஆப்கானிஸ்தான் அணியை விட மோசமான நிலையில் உள்ளது.
இதேவேளை, இந்தியா, பாகிஸ்தான் அணிகள் பட்டியலின் ஒரே குழுவில் இடம்பிடித்துள்ளன. ஐ.சி.சி. இருபதுக்கு -20 உலகக்கிண்ண 2021 தொடரின் போட்டிகள் ஓமன் மற்றும் ஐக்கிய அரபு ராஜ்ஜியத்தில் நடைபெறவுள்ளன.
ஐ.சி.சி. இருபதுக்கு - 20 உலகக் கிண்ண போட்டிகள் எதிர்வரும் ஒக்டோபர் மாதம் 17 ஆம் திகதி ஆரம்பமாகி நவம்பர் மாதம் 14 ஆம் திகதி வரை நடைபெறவுள்ளது.
இதற்கான அணிகள் அடங்கிய பட்டியல் வெளியிடப்பட்டுள்ளது. இதன்படி, சூப்பர் 12 பிரிவில் குழு 1 மற்றும் குழுப் 2 என இரண்டாக அணிகள் பிரிக்கப்பட்டுள்ளன.
இவற்றில் குழு 1 இல் இங்கிலாந்து, அவுஸ்திரேலியா, தென்னாபிரிக்கா, மேற்கிந்தியத் தீவுகள் ஆகிய 4 அணிகளும், குழு 2 இல் இந்தியா, பாகிஸ்தான், நியூசிலாந்து, ஆப்கானிஸ்தான் ஆகிய 4 அணிகளும் இடம்பெறுகின்றன.
இவை தவிர, குழு A மற்றும் குழு B என இரண்டாக அணிகள் பிரிக்கப்பட்டுள்ளன. குழு A யில் இலங்கை, அயர்லாந்து, நெதர்லாந்து, நமீபியா ஆகிய 4 அணிகள் இடம்பெற்றுள்ளன.
குழு B யில் பங்களாதேஷ், ஸ்கொட்லாந்து, பப்புவா நியூ கினியா, ஓமன் ஆகிய 4 அணிகள் இடம்பெற்றுள்ளன.குழு A மற்றும் குழு B அணிகளில் வெற்றி பெறும் அணிகள் முறையே குழு 1 மற்றும் குழு 2 ஆகியவற்றில் இடம் பெறும்.இதேபோன்று, குழு A யில் 2 ஆவதாக இடம்பெறும் அணி குழு 2 இலும் , குழு B யில் 2 ஆவதாக இடம்பெறும் அணி குழு 1 லும் இடம்பெறும்.
இந்த தொடர், இந்தியாவில் நடைபெறாவிட்டாலும் இந்தியக் கிரிக்கெட் கட்டுப்பாட்டு சபையின் சார்பாகவே நடைபெறுகின்றது.
டுபாய், அபு தாபி, ஷார்ஜா, ஓமன் என நான்கு இடங்களில் இருபதுக்கு-20 உலகக்கிண்ண தொடரின் போட்டிகள் நடைபெறுகின்றன.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM