தவறவிடாதீர்கள்..!உடனே பதிவு செய்யுங்கள்

மணலுக்கு புதைத்து இரகசியமான முறையில் யாழ்ப்பாணத்திற்கு கடத்திச் செல்லப்பட்ட முதிரை மரக்குற்றிகள் பளை பொலிஸாரினால் கைப்பற்றப்பட்டுள்ளன. இச்சம்பவம் நேற்று(ஞாயிறு) இடம்பெற்றுள்ளது.

சூட்சுமமான முறையில் முதிரை மரக்குற்றிகள் கடத்தப்படுவதாக கிளிநொச்சி பளை பொலிஸாருக்கு கிடைத்த தகவலுக்கிணங்க  பச்சிலைப்பள்ளி பிரதேசத்திற்குட்பட்ட  முகமாலை பகுதியில் இன்றையதினம் பளை விஷேட பரிசோதனை மேற்கொண்டிருந்தனர்.

இதன்போது மாங்குளம் பகுதியில் இருந்து யாழ் நோக்கி பயணித்த டிப்பர் வாகனம் ஒன்றினை சோதனைக்குட்படுத்தியபோது சூட்சுமமான முறையில் முதிரை மரக்குற்றிகளுக்கு மேல் மணல்களை ஏற்றி சென்ற டிப்பர் வாகனத்துடன்  சாரதி ஒருவரும் கைது செய்யப்பட்டதாக  பளை பொலிஸார் தெரிவித்தனர்.

இதன்போது  26 முதிரை குற்றிகள் கைப்பற்றபட்டுள்ளதுடன், குறித்த முதிரை குற்றிகள் பல இலட்சம் பெறுமதி மிக்கவை என பளை பொலிசார் தெரிவித்தனர். அத்துடன் சம்பவம் தொடர்பான மேலதிக விசாரணைகளை பளைய பொலிஸார் மேற்கொண்டு வருகின்றனர்.