தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)

ஜனாதிபதி கோட்டாபய ராஜபக்ஷ தலைமையிலான அரசாங்கத்திற்கு ஆதரவளித்த பங்காளி கட்சிகள் கடும் அதிருப்தியில் உள்ளன.

இவ்வாறான முரண்பாடுகளுக்கு மத்தியில் மிக விரைவில் அமைச்சரவையில் பாரிய மாற்றங்கள் ஏற்படவுள்ளன.

எமக்கு கிடைத்துள்ள தகவல்களுக்கமைய அமைச்சர்களான விமல் வீரவன்ச மற்றும் உதய கம்மன்பில ஆகியோரின் அமைச்சரவை அந்தஸ்து பறிபோகவுள்ளதாக தெரியவந்துள்ளது என்று ஐக்கிய மக்கள் சக்தியின் பாராளுமன்ற உறுப்பினர் நளின் பண்டார தெரிவித்தார்.

கொழும்பிலுள்ள எதிர்க்கட்சி தலைவர் அலுவலகத்தில் இன்று வியாழக்கிழமை நடைபெற்ற ஊடகவியலாளர் சந்திப்பில் இதனைத் தெரிவித்த அவர் மேலும் கூறுகையில் ,

சகல துறைகளிலும் பின்தங்கியுள்ள இலங்கை நாணயத்தாள்களில் அச்சிடுவதில் மாத்திரம் முன்னிலை வகிக்கிறது.

கடந்த சில வாரங்களில் மாத்திரம் 11,280 கோடி ரூபா அதாவது 22.5 கோடி 5,000 ரூபா நாணயத்தாள்கள் அச்சிடப்பட்டுள்ளன.

அத்தோடு அரிசி உள்ளிட்ட அத்தியாவசிய பொருட்களின் விலைகள் பாரியளவில் அதிகரிக்கப்பட்டுள்ளன. அரசி விலை அதிகரிப்பை கட்டுப்படுத்த முடியாமல் அரிசி மாபியாக்களிடம் அரசாங்கம் தலைவணங்கிக் கொண்டிருக்கிறது.