தவறவிடாதீர்கள்..!உடனே பதிவு செய்யுங்கள்

ஹபரன பகுதியில் அண்மையில் வனஜீவராசிகள் திணைக்கள அதிகாரிகளுடன் வாய்த்தார்க்கத்தில் ஈடுபட்ட இராணுவ சேவையிலிருக்கும் சிரேஷ்ட அதிகாரியை பொலிஸார் கைதுசெய்துள்ளனர்.

அவர் இன்றைய தினம் ஹபரன பொலிஸ் நிலையத்தில் சாரணடைந்த நிலையிலேயே கைதுசெய்யப்பட்டுள்ளதாகவும், அவரை கேகிராவ நீதிவான் நீதிமன்றில் இன்றைய தினம் ஆஜர்படுத்த நடவடிக்கை எடுக்கப்பட்டுள்ளதாகவும் பொலிஸார் தெரிவித்தனர்.

இராணுவ சேவையிலிருக்கும் சிரேஷ்ட அதிகாரி ஒருவருக்கும் வனஜீவராசிகள் திணைக்கள அதிகாரிகள் சிலருக்கும் இடையில் கடந்த ஜூன் 25 ஆம் திகதி ஹபரனை பகுதியில் ஏற்பட்ட முறுகல் நிலைமை வலுவடைந்தது.

இதன் காரணமாக அது தொடர்பிலான உண்மையான விடயங்களை அறிவதற்கான விசாரணைகளை நடத்துவதற்காக, உரிய பொலிஸ் நிலையத்தில் இது தொடர்பில் விசாரணைகளை முன்னெடுக்குமாறு முறைபாடொன்று செய்யப்பட்டுள்ளமையாலும் அது தொடர்பிலான அடுத்தகட்ட நடவடிகைகளை முன்னெடுப்பதற்கு பாதுகாப்பு பதவி நிலை பிரதானியும் இராணுவ தளபதியுமான ஜெனரல் ஷவேந்திர சில்வாவினால் சிரேஸ்ட மேஜர் ஜெனரல்கள் இருவர் அடங்கிய விசாரணை குழுவொன்று முன்னர் நியமிக்கப்பட்டுள்ளமையும் குறிப்பிடத்தக்கது.