தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)
மஹியங்கன - கெமுனுபுற பிரதேசத்தில் கொவிட் கட்டுப்படுத்தல் பணியில் ஈடுபட்ட பொது சுகாதார பரிசோதகரின் சேவைக்கு இடையூறு விளைவித்த நபரொருவர் நேற்று ஞாயிறுக்கிழமை கைது செய்யப்பட்டுள்ளதாக பொலிஸ் பேச்சாளர் பதில் சிரேஷ்ட பிரதிப் பொலிஸ்மா அதிபர் அஜித் ரோஹண தெரிவித்தார்.

இவ்வாறு கைது செய்யப்பட்ட சந்தேக நபரை ஜூலை 9 ஆம் திகதி வரை விளக்கமறியலில் தடுத்து வைக்குமாறு மஹியங்கனை நீதிமன்றம் உத்தரவிட்டுள்ளது.

குறித்த பிரதேசத்திலுள்ள பௌத்த மதகுரு ஒருவருக்கு கொவிட் தொற்று உறுதிப்படுத்தப்பட்டுள்ளதையடுத்து, அவருடன் தொடர்புகளைப் பேணியோர் தொடர்பில் தகவல் சேகரிக்கும் நடவடிக்கையில் பொது சுகாதார பரிசோதகர் ஈடுபட்ட போது, சந்தேகநபர் அவரது சேவைக்கு இடையூறு விளைவித்துள்ளமை மஹியங்கனை பொலிஸாரால் முன்னெடுக்கப்பட்ட விசாரணைகளின் மூலம் தெரியவந்துள்ளதாக பொலிஸ் பேச்சாளர் மேலும் தெரிவித்தார்.