தவறவிடாதீர்கள்..!உடனே பதிவு செய்யுங்கள்

கிளிநொச்சி புளியம்பொக்கனை பகுதியில் சட்டவிரோதமாக மணல் ஏற்றிச் சென்ற டிப்பர் வாகனம் ஒன்றை இன்று
(21-06-2021)அதிகாலை கடமையில் இருந்த படையினர் தடுத்து நிறுத்த முற்பட்டபோது, டிப்பர் வாகனத்தால் மற்றைய படையினர் மீது  மோத முற்பட்ட சமயம் துப்பாக்கிப் பிரயோகம் மேற்கொள்ளப்பட்டுள்ளது.

 கிளிநொச்சி கண்டாவளை பிரதேச செயலர் பிரிவுக்குட்பட்ட புளியம்பொக்கணை நாகேந்திரபுரம் பகுதியில் சட்டவிரோத மண் ஏற்றுவது தொடர்பாக தொடர்ச்சியாக முறைப்பாடுகள் முன்வைக்கப்பட்டு வந்த நிலையில் புளியம்பொக்கணை நாகேந்திர புரம்  கண்டாவளை முரசுமோட்டை ஆகிய பகுதிகளில் இராணுவக்காவலரண்கள் அமைக்கப்பட்டு சட்டவிரோத மணல் அகழ்வுகள் கட்டுபடுத்தப்பட்டு வருகின்றன. 

 குறித்த துப்பாக்கிப் பிரயோகத்தில், டிப்பரில் பயணித்த ஒருவர் காயமடைந்த நிலையில் கிளிநொச்சி தருமபுரம் வைத்தியசாலையில் அனுமதிக்கப்பட்டுள்ளார்.