(நா.தனுஜா)
ஜீ.எஸ்.பி பிளஸ் வரிச்சலுகையைத் தக்கவைத்துக்கொள்வதற்கான நடவடிக்கைகளே மேற்கொள்ளப்பட வேண்டும் என்று முன்னாள் சபாநாயகரும் சமூகநீதிக்கான தேசிய இயக்கத்தின் தலைவருமான கரு ஜயசூரிய வலியுறுத்தியுள்ளார்.
இது தொடர்பில் டுவிட்டர் பக்கத்தில் அவர் மேலும் கூறியிருப்பதாவது:
அதேவேளை நாட்டின் பொருளாதாரம் மிகமோசமான நெருக்கடிகளை எதிர்கொண்டுள்ளது என்பதற்கான அறிகுறிகள் தென்படுகின்றன. கடன்களை மீளச்செலுத்துவதற்காக வலுசக்தி அமைச்சு அதன் சொத்துக்களை பிணையாக வைக்கவேண்டிய நிலைக்குத் தள்ளப்பட்டுள்ளது. இறக்குமதிகளுக்கான வசதிகளை ஏற்படுத்துவதற்கு வங்கிகளுக்கு அனுமதி வழங்கப்படவில்லை. எமது நாட்டின் ஏற்றுமதிப் பங்காளிகள் மிகவும் முக்கியமானவர்கள் என்பதை அரசாங்கம் மனதிலிருத்திச் செயற்படவேண்டும்.
தற்போது நாடு பல்வேறு நெருக்கடிகளுக்கு முகங்கொடுத்திருக்கும் நிலையில், மேற்குலகநாடுகளுக்கு எதிரான போக்கைக் கடைப்பிடிப்பதென்பது ஒருபோதும் பயன்தராது.
நாடளாவிய ரீதியில் கொரோனா வைரஸ் தொற்றினால் ஏற்படும் மரணங்களின் எண்ணிக்கையைக் கணிப்பதில் காணப்படும் குறைபாடு தொடர்பில் அண்மையில் ஜனாதிபதி தெரிவித்த கருத்தின் ஊடாக, நாட்டின் கட்டமைப்பு ரீதியான தோல்வி வெளிப்பட்டுள்ளது.
அவ்வாறிருக்கையில் கொரோனா வைரஸ் பரவலைக் கட்டுப்படுத்தல் மற்றும் தொற்றாளர்களுக்கு முறையான சிகிச்சைகளை வழங்குதல் ஆகியவற்றுடன் தொடர்புடைய கட்டமைப்புக்கள் சீராகத் தொழிற்படுகின்றன என்பதற்கு என்ன உத்தரவாதம் உள்ளது? தற்போதைய சூழ்நிலையில் காணப்படும் உண்மையான அச்சுறுத்தல் தொடர்பில் கொவிட் - 19 கட்டுப்பாடு மற்றும் ஒழிப்பு தொடர்பான தேசிய செயலணி சரியாக மதிப்பீடு செய்திருக்கும் என்று நம்புகின்றோம். மக்களின் பாதுகாப்பை உறுதிப்படுத்துவதே தமது அடிப்படைக் கடமை என்பதை அரசாங்கம் புரிந்துகொள்ள வேண்டும் என்றும் அவர் கூறினார்.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM